Nuştox û akademîsyen o Kurd Selîm Temo serê hesabê xo yê Xî girêdayîyê rewşa Rojavayê Kurdistanî eşkerayîyêk vila kerde. Selîm Temo yî eşkerayîya xo de bale ante serê wayîrvejîyayîşê destkewteyanê Rojava û va destê kamî ra çi yeno bila biko.
Parekerdena Selîm Temo bi nê rengî ya:
“Wa kes seba şarê kurdan o ke mîyanê cesaret, fedekarî û xoverdayîşî de ro ‘vatenêka kilme û derge’ mevajo. Çi destra ma ra ame nîyame ma kerd. Domanê ma çar gurçikê; pirpirikê serê hermanê ‘generalê tersonekî’ vêşnayî, dîkê tifanganê bêsereyan visnayî, tang û topê barbaran îmha kerdî, dêvê asnênê bi asimanan ra ardî war, bî dêsê qalind serê sêneyê dagirkeran de. La belê dinya de mirdîya xo bênamusî est ê!
Roja haware ya
Nêbo ma rewş û qerekterê dinya, şaşî û bêtedbîrîya xo bikim sebep û rewşa ke esta rasyonalîze bikim. Ganî ma zê seserre naye ra ver nêzdîyê rewşe nêbim. Ganî realîst nêzdî bibim; no xapnayîş nîyo; derbewerdiş o, şikîyayîş o la pêyde şîyayîş nîyo. Ma ganî dest bi tidarekî ra nêancime, şikiyayene nêbena; peyde şîyayena sîyasî, eskerî û ruhî ma rê luks a! Destê kamî ra çi yeno bila na roja haware de bikero.
Kurdê Rojavayê Kurdistanî mordemê zana, bixêret û bişerefê. Yê bawerîye yê. Zanê çi çiko. Ey qesasê xo û yê ma hard de nêverdanê.
Wayî û birayê Rojavayî, ezgorî, dilê mi zereyê sênê şima de dano piro!”
