Nisêbîn de bi des hezaran welatijan bi amancê şermezarkerdişê hêrişanê vera Rayberîya Xosere ver bi sînorê Qamişloyî bi slogananê “Rojava rûmeta me ye” dest bi rayîrşîyayîşî kerd.
Bi pêşengîya Platformê Sazgehanê Demokratîk bi tewrbîyayîşê Hemserekê Pêroyî yê DEM Partî Tuncer Bakirhan û Hemsereka Pêroyî ya DBP’yî Çîgdem Kiliçgun Uçar, parlementerê DEM Partî, Hemşaredar, endam û rayberê sazgehanê sivîl ê komelkî bi des hezaran kesî vernîya Goristanê Hecacî yê merkezê qezaya Nisêbînî de kom bîyê. Girse bi slogananê “Rojava rûmeta gelê kurd e” û “Bijî berxwedana Rojava” dest bi rayîrşîyayîşî kerd.
