Wekîla Mêrsînî ya DEM Partîye Perîhan Koca, Sûrîye de qetilkerdişê elewîyan ard rojeva Meclîsî û wina va: “Sûrîye de mîyanê aşmêke de 187 kesê ameyê qetilkerdiş û nê kesan ra zafêr zî elewî yê, ganî verba qetilkerdişê elewîyan bêvengî nêbo.”
Wekîla Mêrsînî ya DEM Partîye Perîhan Koca, Heyetê Pêroyî yê Meclîsî de Sûrîye de qirkerdişê elewîyan ser o qise kerd.
Perîhan Koca dîyar kerd ke nika Sûrîye de şaran ra zorê bêîstîkrarî û kaosî danê û 8ê kanûne ra nika hukmatê vîyarteyî yê Sûrîyeye verba şaran rêgezê qirkerdişî şuxulneno û wina va : “Mîyanê aşmêke de 187 kesê ameyê qetilkerdiş û nê kesan ra zafêr zî elewî yê, ez veng dana Heyetê Pêroyî yê Meclîsî ra ganî verba qetilkerdişê elewîyan wa bêveng nêmanê. Qatî ameyoxê Sûrîyeye ra wa şaranê Sûrîyeye qerar bido.”
