Çeteyanê DAIŞ û HTŞ’yî hêrişê dewa Qasimiyê ya Kobanê kerd. Hêriş de qijêke ameye qetilkerdene û 3 qijî zî birîndar bîyî.
Çeteyanê dewleta tirke ya îşxalkere, DAIŞ û HTŞ’yî dewa Qasimiyê ya Kobanê ya Rojavayî de banêk da bombayan ver.
Hêrişo ke pê obusan ame kerdene de qij kêna Sabrîne Ehmed Elawî (8) hetê çeteyan ra ameyê qetilkerdene û 3 qijî zî birîndar bîyî. Birîndarî nêweşxaneyê Kobanê rê ameyî wedaritene.
Nameyê birîndaran wina yê: Cûdî Ehmed Elawî (14), Mihemed Ehmed Elawî (10) ve Ehmed Îbrahîm Elawî (5)
