Komela Rojnamegeran a Dîcle-Firatî (DFG) rojnameger Azîz Koyluoglu serrgêra şehadetê ey a yewine de yad kerd. Eşkerayî de ame dîyarkerdene ke ê sey taqîbkerdoxê raştîye cayo ke Azîz Koyluogluyî verdayo, bi qelem û kameraya xo na dewa dima şonê.
Rojnameger Azîz Koyluoglu par 27ê çeleyî de bi hêrişêko hewayî yê dewleta tirkan 3 kesan reyde ame qirkerdene.
‘Ma soz danê ke qelema ey erd de nêverdanê’
DFG’yî dîyar kerd ke Azîz Koyluoglu tena rojnamegerêk nêbî; o vengê raştîye û taqîbkerdoxê heqîqetî bî û wina ame vatene: “Vera kesanê ke bi kiştişê ey waştêne ey bêveng bikerê, ma reyna soz danê ke ma qelem û kameraya yew hemkarê xo zî erd de nêverdanê. Raştîye nêeşkena bêra bêvengkerdene. Ganî baş bêro zanayene ke Çapemenîya Azade vera qirkerdiş, hêriş, destbendkerdiş û sansurî qet gamêk zî peyser nêeşte û ameyoxî de zî nêerzena. Ma do cayo ke Azîz Koyluogluyî verdayo, bi qelem û kameraya xo na dewa dima şêrê.”
