Rojnamegerî Gulistan Dursun, Pinar Gayip û Serpil Unal ke 22ê Kanûne de ameybi tepiştiş, Hepisxaneyê Bakirkoyî ra surgûnê Hepisxaneyê Sîlîvrîyî bîyî.
Rojnameger Gulistan Dursun, xeberkarê Ajansa Xeberan a ETHA’yî Pinar Gayip û xeberkarê Rojnameya Mucadele Bîrlîgî Serpil Unal ke 22ê Kanûna 2024î de seba fotorafanê rojnamegeran Nazim Daştan û Cîhan Bîlgîn ke Rojava de bi SÎHAya Tirkîya ameybi kiştene, berz kerdbî û ameybi tepiştiş. Her hîrê rojnamegerê cinî Hepisxaneyê Cinîyan ê Bakirkoyî de ameyêne tepiştiş. Komeleya Rojnamegeran a Dîcle-Firatî (DFG) dîyar kerd ke her hîrê cinîyê rojnamegerî bi nameyê ke “ê do bêrê berdiş revîr” ra qawişî ra ameyê vetiş û dima surgûnê Hepisxaneyê Marmarayî (Sîlîvrî) bîyî. Ame zanayene ke destûr nêameyo dayene ke rojnamegerî kelûmelanê xo zî bigîrê xo het. No surgûnkerdiş avûkat û keyeyan rê nêame vatene. Balkêş o ke her hîrê rojnamegerî 10ê Çeleyî Roja Rojnamegeranê ke Xebitîyenê de ameyî surgunkerdene.
