Xebatkara rojnameyê Yenî Yaşamî Zîlan Gul a ke ameybî destbendkerdene, no 3 rojî yo destbendkerde ya û ame dîyarkerdene ke hema zî îfadeyê aye nêameyo girewtene.
Rojnameger Zîlan Gul a ke 26ê çeleyî de sereştişê keyeyî de ameybî destbendkerdene, hema zî Midurîyetê Polîsan ê Amedî de yena grirewtene. Nêyeno zanayene ke gelo Zîlan Gul bi çi sucî yena sucdarkerdene û ame zanayene ke hema zî îfadeyê aye nêameyo girewtene. Eynê wextî de nêyeno zanayene ke do çi wext vejîya vernîya dozgerî.
Komela Rojnamegeran a Dîcle Firatî (DFG) hesabê xo yê X’î sder o vera destbendkerdişê reaksîyon mojna û waşt ke Zîlan Gul bilez bêra veradayene.
