Vera Şaredarîya Beşîktaşî bi sucdarîya “Girewtişê ruşwetî” operasyonêk ame kerdene û şaredarê verênî zî tede 5 kesî ameyî destbendkerdene.
Çarçewaya tespîtanê Serdozgerîya Komarî ya Stenbolî de, vera Şaredarîya Beşîktaşî operasyonê dewaya destbendkerdişî ame kerdene. Nê operasyonî de şaredarê verên ê Beşîktaşî, Mudirê Xizmetanê Personelan ê Şaredarîya Beşîktaşî Bulent Karakaş û endamê meclîsê şaredarî zî tede, pêro pîya 5 kesî ameyî destbendkerdene.
Serdozgerîya Komarî ya Stenbolî eşkera kerd ke nê kesê ke ameyê destbendkerdene, bi sucdarîya “Girewtişê ruşwetî” ameyî girewtiş.
