Welatijê Şaristanê Kobanî seba pawitişê destkewteyanê şorişî vejîyayê waran.
Bi hezaran welatijê şaristanê Kobanî seba destkewteyanê şorişî bipawê rayîrşîyayîşêko bi sloganê, “Şoreşa me rûmeta me ye, em ê rûmeta xo biparêzin” viraşt.
Rayîrşîyayîş Meydanê Cinîya Azade de dest pêkerd û heta Meydanê Şehîd Egîdî dewam kerd. Uca de badê rêzgirewtişî, rayberîya TEV-DEM’î ra Cahîd Hesenî qisey kerd û vat: “Ganî ma destkewteyanê şorişê xo bi xoverdayîş û têkoşînê xo bipawê. 6ê aşma çele de seba çinkerdişê destkewteyanê ma, hêrişêko wehşîyane ame kerdene. Destkewteyê ke bi gonîya bi hezaran cangorîyan ameyê pawitene û destgirewtene waşt ke înan çin bikerê.”
Cahîd Hesenî dîyar kerd ke ê do bi heme hêzê xo xover bidê û payan ser o bê seba ke şorişê xo bipawê û vat: “Ganî şarê ma kîşta hêzanê xo yê YPJ, YPG û HSD’yî de bibê û bi hêzanê xo bawer bî ke ma dişmenî binfînê û destkewteyanê xo bipawê.”
Rayîrşîyayîş bi berzkerdişê “Berxwedan jiyan e” qedîya.
