Wezîro verên ê Îtalya Paolo Ferreroyî îfade kerd ke Rojava bi konsepto hempar ê hêzanê herêmî û mîyanneteweyî yeno waştene ke bêro çînkerdene û vat: “Ganî şarî seba pawitişê Rojava bibê seferber.”
Vera hêrişanê îşxalî yê çeteyanê HTŞ û DAÎŞ’î ke dewleta tirkan paştî dana ci, yê vera Rojava, warê mîyanneteweyî ra nêrazîbîyayîşê dewam kenê. Eşkerayîyan de yeno vatene ke seba ameyoxo demokratîk ê herême pawitişê Rojava zaf muhîm o.
Wezîrê Polîtîkayanê Sosyal û Keyeyî yo verên ê Îtalya Paolo Ferreroyî derheqê babete de ajansê ANF’yî rê erjnayîşî kerdî.
Paolo Ferreroyî vat ke peyê hêrişanê vera Rojava de konsepto hempar ê hêzanê herêmî û mîyanneteweyî est o û vat: “Nê hêrişan de rolê dewleta tirkan gird o. Amerîka û Îsraîlî zî destûr da nê prosesî. Modelê Rojava ra tersenê. Seba ke no modelo demokratîk hetê kurdan ra ameyo pêardene hetê Tirkîya ra nêyeno qebulkerdene û sey tehdîtêkî yeno vînayene.”
Ferreroyî vat: “Rojava ke hêzê kurdan ke verî înan pîya vera DAÎŞî têkoşîn kerd, tena verdayî û polîtîkaya Ewropa na babete de bêîstîkrar mend. Kurdan têkoşînê vera DAÎŞî de bedelê girdî dayî û çeteyê binvistê. Nika çeteyanî ke kincê xo bedelnayî, ameyî îqtîdarê Sûrîye û welatê Rojava zîhnîyeto ke vera ci şer kerd, qebul kenê.”
Ferreroyî îfade kerd ke Rojava rîyê modelê xo yê îdareyê demokratîkî ke tede zaf şarî ca genê ame hedefgirewene û vat: “No model semedê ameyoxê Rojhelatê Mîyanênî nimûneyêko muhîm o.”
Ferreroyî veng da rayapêroyî ya Ewropa ke semedê pawitişê Rojava wa newera paştîdayîşê mîyanneteweyî û seferberîye xurt bikerê.”
