Turnuvaya Futbalî ya Kupaya Dinya ya 2026î de kesê ke tewr zêde balê raya pêroyî yê sporê dinya ancenê xo ser înan ra yew tira Denîz Undav o.
Devnîz Undav Turnuvaya Futbolî ya Kupaya Dinya ê 2026 de Maçê Almanya û Qeraxê Fildîşî de deqîqe 60 de wexto ke kewt maçê Ekîbê Almaya 1 – 0 binkewtbî la bi performasêk gird di golî eştî skor kerd 2-1 û ekîbê Almanya servist û kewt rojêvê raya pêroyî yê sporê dinya.
Denîz Undav 1996 de qezaya Varelî ya Almaya de ameyo dinya. Keyeyê ey serra 1980 de dewa Zewra ya ke girêdaya qezaya Wêranşarî ra bar kerdo şîyo Almaya. Keyeyêko karker de bîyo pîl û panc way û birayê. Heskerdişê ey futbolî qijkekî de destpêkerdo. Bi nê motîvasyonî amator ra ver bi futbolê dinya şîyo. Lîganê bînînan ra dest pêkerd û nika Almaya de ekîbê Bundeslîga VBf Stutgard de warê santraforî de kaykeno.
Denîz Undav bi xo kurdê ke êzîdî yo, wayîrê nasnamayê xo vejîyeno û hetgirê Amedsporî yo. Naye ra rastê hêrişanê nijadpêrstanê tirkan amebî. Badê ke ekîbê neteweyî yê Tirkîya Turnuva da binkewt, hinî rojnamegêrî ro xo miqur ameyê vanê eke ma nijadperestî nêkerdene o wext Denîz Undavî ekîbê Almanya yê neteweyî de ney do ekîbê ma yê neteweyî de kaybikerdêne. Ekîbê ma zî wina leze turnuvaya futbolî dinya de binnêkewtêne.
Turnuvaya Futbolî ya Kupaya Dinya ê 2026î dewam kena la nika ra ê kesê ke astereyê înan tewr zêde berîqîyayo yew tira Denîz Undav o.
