Belgefîlmê rêzefîlmê “Ji Qirkirinê heta Jiyana Azad – Vejîna Kurd” do demêko nêzdî de bi sezonê xo yo newe yê bi nameyê “Vejîna 2.” biweşanîyo.
No rêzefîlmo ke tarîxê PKK’yî ser o vindeno, xeylê belge û arşîvan vejeno orte û behsê xeylê şahîdanê ê demî keno, do demêko nêzdî de bi beşanê sezonê xo yo newe yo dîyin bi rayîrê Medya Haber TV û Stêrk TV de bireso temaşekerdoxanê xo. Belgefîlmo ke hetê Komînê Belgefîlman ê Şehîd Gulîstan Tara ra zafêrê 8 serran xebatê ci dewam kerdê, sezonê xo yo yewin, “Vejîna 1.” aşma nîsane ya 2025î de mojna.
Sezono yewin ê belgefîlmî ke cuya Rayberê Şarê Kurdî Abdullah Ocalanî mayerabîyayîşî û gedeyîya ey ra heta Serewedaritişê 15ê tebaxa 1984î bi agahî, belge, arşîv û şahîdan xo de hewînenê, bi eleqeyêka girde ame taqîbkerdene. Sezonê xo yo dîyin de belgefîlm gamanê sereke yê şerê gerîla koyanê Kurdîstan, kongre, konferans û kombîyayîşê muhîm ê ê wextî, serrê serewedaritişê gird ke sey Şorişê Vejînî yenê pênasekerdene û qehremanîyê şarî, demê xoverdayîşê gird ê vera hêrişanê global, destkewteyê têkoşînê azadîya kurd her çar hetanê Kurdîstan û Ewropa de, daraxa azadîya cinîyanê kurd, averşîyayîşê sîyasî yê zehmet ê Tirkîya de yê derûdorê PKK’yî de, cehdê aştî yê cîya-cîyayî û caardişê komployî game bi game, nînan xeylê hediseyanê bîn ê tarîxî reyde ano ekranan ser.,
Sey sezonê verî, belgefîlm do her çarşem Stêrk TV de bi kurmancî û her îne zî Medya Haber TV e bi tirkî bêro weşanayene.
