HRANA’yî eşkera kerd ke çalakîyanê Rojhelatê Kurdîstan û Îran de heta nika nêzdîyê 7 hezar kesî ameyê qetilkerdene û nêzdîyê 53 hezar çalakîkerî ameyê destbendkerdene.
Rêxistina Heqanê Merdiman a HRANA derheqê bîlançoyo peyên ê çalakîyanê Rojhelatê Kurdîstan û Îran de raporêk vila kerd. HRANA’yî eşkera kerd ke destpêkê çalakîyanê Rojhelarê Kurdîstan û Îran de hetanika 6 hezar û 982 ameyê qetilkerdene, 11 hezar û 22 çalakîkerî zî birîndar bîyê. Sewbîna çalakîyan de 52 hezar û 622 çalakîkerî zî ameyê destbendkerdene.
Goreyê raporê HRANA’yî hûmara pêroyî ya kesanê ke ameyê qetilkerdene 6 hezar û 490 kesî çalakîker bîyê, 215ê ci gede û 65 kesî zî welastijî ke beşdarê çalakîyan nêbîyê, înan a. Sewbîna 214 kesî zî endamê hêzanê girêdayeyê rejîmê Îranî yê.
HRANA da zanayene ke mîyanê kesanî de ke ameyê destbendkerde 135 wendekarê unîversîteyî est ê. Tewrê nê 11 hezar û 51 kesî seba îfadeyê venga înan ameyo dayene. Sewbîna 335 kesî bi zor seba îtîrafî ameyê zorkerdene.
