Meclîsê Ciwanan ê DEM Partî û Yewîya Wendekaranê Azad ê Dîcleyî do Çand Amed de derheqê prosesî de kombîyayîşêk bikerê. Ciwanî ke qezaya Sûr de vilawekî vila kerdê, şarî silayna kombîyayîşê xo.
Meclîsê Ciwanan ê DEM Partî û Yewîya Wendekaranê Azad ê Dîcleyî bi sloganê “Ma tarîtî ra ver bi roşnî rayra şonê” do ciwanan reyde bêrê têhet. Kombîyayîşo ke do sîyasetmedarê kurdî Veysî Aktaş û Çetîn Arkaş beşdar bibê do 15ê sibate saete 10:00î de Çand Amed de bêro kerdene.
Ciwanê DEM Partî seba beşdarîya kombîyayîşê qezaya Sûrî ya Amedî de vilawekî vila kerdê û dikandar û şarî silayna kombîyayîşê xo.
