Sazgehê awe yê Şaredarîya Amedî ya Şaristanê Girdî seba temînekerdişê awa werî ya demderg, xebatanê awankerdişê Tesîsê Parzunkerdişê Awe yê Daraxo Dîyin domneno.
Xebatê tesîsî ke hetê Mudirîyetê Pêroyî yê Îdareyê Awe û Kanalîzasyonî yê Amedî (AVKAMED) ra qezaya Peyasî de yenê kerdene, bêmabên dewam kenê. Proje seba lazimtîyanê nufuso vêşî bi hewayêko ewle û rehet bêrê temînkerdene, bi lez aver şono.
Prosesê awankerdişî goreyê planî rayra şono
Projeyo ke 31ê Teşrîna Verêne ya 2025î de bingeyê ci amebi eştene, qerar ameyo girewtene ke 450 rojan de biqedîyo. Daraxê viraştişê depoyê awe yo 20 hezar metrekup resayo se ra 40 û bi pêroyê viraştişê tesîsî resayo daraxê se ra 17î. Seba viraştişê depoyê awe beton ame rijnayene û xebatê depoyê awe ser o dewam kenê.
Demo ke no tesîso newe biqedîyo, kapasîteyê parzunkerdişê awe ya Amedî do bibo di qat. Amanc o yo ke no proje heta serra 2060 lazimtîya şaristanî temîn bikero û bibo bingeyê ewleyeyîya awe yo demderg.
