Qomê Dêrsim, mekanê Duzginî de Cemê Xizirî gîreda. Pîr û Talîbî, der û cîran, Qezayê Dêrsim ra, Erzingan ra sare Dêrsim ameyê peser, rindiye û aştîye ser çîlayî veşnayî û loqme kerd vila. Elewîyê Dêrsimî, verê bimbarekî de, perûne pîya vengê heqî da û vat: “Ya Xizir, ya Duzgin û Kûreyş tengîye şêro rindîye bêro.”
Sarê elewî, mekane bimbarek de Cemê Xizirî girêda. Pîr û Talîbî amey ju ca. Perûne pîya çilayî vesnayî, loqme vila kerd. Cem de rindîye û aştî ser mînetî ameyê kerdene. Seme gîredayî, kam ke tengîye der o înan ser o mînet kerd.
Gîredayîşê Cem de Mûsa Demîrtaşî qisey kerd û qome xo rê hînî va:
“Dewlete wazena ke ma asîmîle bikera. Ma, raye xo ra dûr nêsome. Qomê ma, Sêwas û Mereş de qir kerdî. Hata nika, itiqatê ma hînî ameyo, hînî sono. Xizir raşt o. Xizir zerê ma der o. Xizir kam ke tengîye der o bireso ci. Sare Sûrîye teyna nîyo, ê yê ke uca de şîyê heqîya xo, dezê înû zerê ma der o.”
