Hemserekê Konseya Rayberdişî ya KCK’yî Cemîl Bayik: “Semedê serkewtişê projeyê Rayber Apoyî yo ke semedê kurdan, Rojhelatê Mîyanênî, merdimîye, cinîyan, demokrasî û azadîye wazeno aver bêro, ganî o bi hewayêko fîzîkî azad bibo.”
Hemserekê Konseya Rayberdişî ya KCK’yî Cemîl Bayikî çalakîya “Rayber Apoyî rê azadîye, Rojavarê statu” rê mesajo bi vîdeo erşawit ke Strasbourg de ameye kerdene.
Bayikî îfade kerd ke seba ke projeyo ke Rayber Apo aver beno, bêro serkewo ganî o bi hewayêko fîzîkî azad bibo û nê vatî: “Paradîgmaya ke Rayber Apoyî semedê kurdan, Rojhelatê Mîyanênî, merdimîye, cinîyan, demokrasî û azadîye wazeno aver bero, tena şertanê xebityayîşî yê azadan de eşkena bêra caardene. Rayber Apo ganî şertanê azadan de xebeta xo rayra bero. Tena o wext projeyê ci eşkeno aver şêro û serkewo.”
Bayikî 15ê sibate sey “rojêka tarî” pênase kerde, komployê mîyanteweyî şermezar kerd û vat: “Rayber Apo 1993î ra nat semedê çareserkerdişê meseleyê kurdan hemleyî aver berdî la vera nê, komplo kewt dewre.Rixmê şertanê giran ê Îmralîyî paradîgmaya xo aver berd û par vengdayîşê Aştî û Komelê Demokratîkî kerd.”
Bayikî hêrişê vera Rojava sey “Komployê 15ê Sibate yo Dîyin” pênase kerd û bale ante serewedaritişê kurdan ê vera hêrişan. Bayikî îfade kerd ke xoverdayîşo ke serkêşîya HSD, YPG û YPJ’yî de yeno kerdene hem tesîrê şarî hem serî tesîrê sîyasetî kerd û vat xoverdayîşê Rojava yewîya kurdan ard meydan.
Bayikî serewedaritişê şarê kurdî yê çar parçeyan û teberî welatî sey destankî pênase kerd û vat: “Na netîceya têkoşînî ya ke serkêşîya Rayber Apoyî de ameya averdene. Semedê yewîya kurdan a demokratîke ganî dahîna zaf xebate bêra kerdene.”
Bayîkî bale ante hêrişanê vera paradîgmaya Rayber Apoyî ser o û vat: “Wazenê şarê kurdî bê rayber û bêstratejî verdê. Ganî her kes wayîrê paradîgmaya Rayber Apoyî vejîyo û têkoşînê demokrasî û azadîye bêro xurtêrkerdene.”
