Sazgehê heqanê merdiman ê Stenbolî seba rewşa girewteyê nêweşî Mehmet edîp Taşar eşkerayî daye û dîyar kerd ke roja ke Mehmet Edîp Taşar hepisxane de yeno girewtene, cuya ey fîneno tehluke û binpaykerdişê heqanê cuya ey vejeno orte û vat: “Ganî Mehmet Edîp Yaşar bilez bêro veradayene.
OHD, TOHAV, ÇHD, THÎV û ÎHD’yî awanîya ÎHD’yî ya Stenbol de derheqê girewteyo neweş Mehmet Edîp Yaşar de eşkerayî daye. Eşkerayî hetê endamê OHD’yî Baran Elma ra ameye wendene.
‘Mehmet Edîp Taşar heta ewro 19 reyî anjîyo bîyo’
Baran Elmayî dîyar kerd ke girewteyo neweş Mehmet Edîp Taşar o 70 serre 27ê kanûna 2022î ra hepisxaneyê Marmara de hûmara 5. de yeno girewtene û vat: “Ewro rewşa Mehmet Edîp Taşar binê tehlukeyêka gird de ya. Mehmet Edîp Yaşar heta ewro 19 reyî anjîyo bîyo. Mehmet Edîp Yaşar nêweşîya zerrî, şeker, tansîyon, prostat, KOAH û gurçike est ê. Pêvînayîşê avûkatê xo yê 9ê sibate de bi kursîya bitekere vejîyayo. Tena nêeşkeno werd zî biwero. Çiqas şino neweşîyê Mehmet Edîp Yaşarî xedar benê û ganî amelîyat bibo. Zîyaretê heyetê çimdarîye ra qerarê “eşkeno hepisxane de bimano” ame dayene. No hewte Mehmet Edîp Yaşarî muracatê Edlîyeya Bakirkoyî kerd la hema tu qerar nêameyo dayene.”
‘Ganî Mehmet Edîp Taşar bilez bêro veradayene’
Baran Elmayî dîyar kerd ke girewtemendişê Mehmet Edîp Taşarî îşkence yo û wina vat: “Mehmet Edîp Yaşar 12ê sibate de reyna berdo nêweşxane û ey anjîyo kerdo. Her roja ke Mehmet Edîp yaşar hepisxane de yeno girewtene cuya ey fîneno binê tehluke û binpaykerdişê heqê cuye vejîyenê meydan. Paketa hukmî ya 11. de rewşa girewteyanê nêweşan ca nêgirewt. No qerar huqûqê neteweyî de çin o. Ganî Tirkîya peymanê ke îmza kerdê peyê înan de vindera. Astengîyê ke vernîya tedawîyê girewteyanê nêweşande yê ganî bêrê wedaritene. Seba ey zî ganî Mehmet Edîp Taşar bilez bêro veradayene.”
