Dorpêçê şaristanê Kobanî yo ke 20ê çeleyî ra nat hetê HTŞ û çeteyanê bi piştîdayîşê Tirkîya dest pêkerd, hema zî dewam keno.
Dorpêçê şaristanê Kobanî ser ke 20ê Çeleyî ra hetê çeteyê HTŞ û çeteyê ke hetê Tirkîya ra piştîdayîş yeno dayîş dest pêkerda, hema zî nêameyo wedarnayene. Rîyê dorpêçî ra destûr nîno dayîş ke hetkarîya merdimî û weşîye bikewo şaristan.
Dorpêç tesîrê rasterast û negatîf xizmetê weşîye ser o keno. Nêweşxane de kêmbîyayîşê derman û lazimîyanê weşîye yeno vînayene û dermanê ke semedê dermankerdişê nêweşîyanê giranan yenê şuxilnayîş zaf kêmî bîyê.
Sewbîna, kêmbîyayîşê şitê tutan, nêberardişê alternatîfî yê xida û kêmbîyayîşê xida cuyayîşê bi seyan pitikan keno tehluke.
Sewbîna, nêbîyayîşê sotemenî semedê germkerdiş û zehmetîyê resnayîşê elektrîk û awa şimitişî yê pakitî, zehmetîyê ke 600 hezar welatî, bi taybetî yê ke koçber bîyê, zordarîya ke ci dir rî bi rî manenê, neweyî zî daxil bena.
Welatijê waştişê akerdişê lezkî korîdorê merdimî kenê ke hetkarî bireso herême û dîyar kenê ke ablûqa binpaykerdişê qanûnanê heqê merdiman a û cuyayîşê merdiman kena tehluke.
