Çalakîyê wendekarê unîversîteyanê Îranî vera kiştiş û girewtişê wendekaran ê ke wextêko çalakîyanê Rojhêlatê Kurdîstan û Îran de bi sloganê “Jin Jiyan Azadî” û “Merg seba dîktatorî” mîyanê çalakîyan de bîyê, dewam kenê.
Goreyê dîmenanê ke medya dîjîtal ser o ameyê parekerdene, çalakîyê Unîversîteya Emîr Kebîr, Unîversîteya Beheşt a Tehranî, Unîversîteya Xwace Emîrî, Unîversîteya Şerîf û Unîversîteya Zehra de roja hîrêyîne de bi sloganê “Jin Jiyan Azadî” û “Merg seba dîktatorî” dewam kenê.
Çalakîyan de fotografê wendekaranê ke wextê çalakîyanê ney ra ver de hetê hêzanê Îranî ra ameyê kiştene, yenê berzkerdene. La sey heme reyan hêzê rejîmê Îranî bi şîdet cewab danê çalakîkeran.
Roja 21ê sibate de wendekaranê unîversîteyan vera girewtiş û qetilkerdişê wendekaranê ke wextê çalakîyanê Rojhelatê Kurdîstan û Îran de virazîyayê dest bi çalakîyan kerd.
