Serokê Giştî yê Partiya Pêşerojê Ahmet Davutoglu serdana nexweşxaneya ku Sirri Sureyya Onder lê tedawî dibe kir û rewşa wî pirsî.
Serokê Giştî yê Partiya Pêşerojê Ahmet Davutoglu serdana nexweşxaneya ku endamê Şandeya DEM Partî ya Îmraliyê û Serokvekîle Meclîsa Tirkiyeyê Sirri Sureyya Onder lê tedawî dibe kir. Ahmet Davutoglu li nexweşxaneyê bi Hevserokên Giştî yên DEM Partiyê Tulay Hatimogullari, Tuncer Bakirhan û bijîşkê ku Sirri Sureyya Onder ameliyat kiriye re hevdîtin kir û derbarê rewşa Sirri Sureya Onder de agahî girt.
Di hevdîtinê de Ahmet Davutoglû anî ziman ku Sirri Sureyya Onder ji aliyê hemû kesan ve tê hezkirin û wiha got: “Em bi bawerin ku Sirri Sureyya Onder wê baş bibe û têkoşîna xwe bidomîne. Sirri Sureyya Onder ji bo pêvajoyê jî aktorekî girîn bû û ji ber keseyata wî hemû derdorên siyasî serdana nexweşxaneyê kirine. Sirri Sureyya Onder kesayetekî wisa ye ku ne tenê ji aliyê partiya xwe ve ji aliyê hemû derdoran ve tê hezkirin. Sirri Sureyya Onder hemû êşa vê dinyayê kişandiye û gelek kar kiriye. Zilma 12ê Îlonê dîtiye û ji aliyê hunerê ve jî gelek tiştên baş kiriye. Di nav siyasetê de jî kesayetekî girîng e. Em bawer in wê di demeke nêz de dîsa were nav me.”
