Serokê TBMMê Numan Kurtulmuş, Serokê berê yê TBMMê Mustafa Şentop û Serokê DEVAyê Alî Babacan serdana nexweşxaneyê kirin û derbarê rewşa Sirri Sureyya Onder de agahî girtin. Alî Babacan anî ziman ku Sirri Sureyya Onder rûyê aştiyê yê siyasetê ye.
Endamê Şandeya Partiya Wekhevî û Demokrasiyê ya Gelan (DEM Partî) Sirri Sureyya Onder ku damara dilê wî çiriya 2 rojin li nexweşxaneyeke taybet a navçeya Stenbolê tê derman kirin. Sirri Sureyya Onder ji duh ve di beşa lêneherîna awarte de tê ragirtin. Qeteriya wî didome. Serdanên nexweşxaneyê jî ji duh ve berdewam dike. Partiyên siyasî, saziyên sivîl, hunermend û gelek kes hatin nexweşxaneyê û serdana Sirri Sureyya Onder kirin. Hîna serdanên nexweşxaneyê didomin. Serokê Giştî yê Partiya DEVA Alî Babacan jî hat nexweşxaneyê û derbarê rewşa Sirri Sureyya Onder de agahî girt. Pişt re Serokê berê yê TBMM Mustafa Şentop jî hat nexweşxaneyê. Alî Babacan û Mustafa Şentop bi Hevserokên Giştî yên DEM Partiyê Tulay Hatîmogullari, Tuncer Bakirhan, malbata Sirri Sureyya Onder û bijîşkan re hevdîtin kirin û derbarê rewşa Sirri Sureyya Onder de agahî girtin.
‘Ji bo aştiyê têkoşîneke mezin da’
Piştî hevdîtinê Alî Babacan li ber nexweşxaneyê daxuyanî da. Alî Babacan anî ziman ku Sirri Sureyya Onder rûyê aştiyê yê sisyasetê ye û got: “Ji bo aştiyê têkoşîneke mezin dide. Rolekî mezin girtiye ser xwe. Em spasiya wî dikin. Em bi keça Sirri Sureyya Onder re axivîn. Keça wî jî got vê sibe rewşa wî hê baştir e. Em jî hevî dikin di demeke nêzîk baş bibe û dilê wî dîsa ji bo aştiyê lêbide. Hemû welat ji bo Sirri Sureyya Onder duayan dike. Dilê me û duayen me bi wî re ne.”
Piştrê jî Serokê TBMMê Numan Kurtulmuş jî cara 2yemîn serdana nexweşxaneyê kir û der barê rewşa Sirri Sureyya Onder de agahî girtin û ji nexweşxaneyê derket. Duh jî gelek hunermendan serdana nexweşxaneyê kirin û rewşa Sirri Sureyya Onder pirsin. Serdanên hunermendan îro jî berdewam dike.
