Hevserokê DEM Partiyê Tuncer Bakirhan diyar kir ku ew li bendê ne ku di nava hefteyê de şandeya wan û Serokkomar Erdogan li hev bicivin.
Hevserokê Giştî yê DEM Partiyê Tuncer Bakirhan piştî komcivîna partiya xwe li ber deriyê odeya koma xwe pirsên rojnamevanan bersivand.
Tê payîn hevdîtin nava hefteyê pêk were
Bakirhan derbarê hevdîtina muhtemel a Şandeya Îmraliyê û Serokkomar Tayyîp Erdogan de wiha got: “Berdevkê hikûmetê jî eşkere kir. Ez wisa bawerim wê şandeya me û bi birêz Serokkomar re hevdîtinê bike. Wê baş bibe û erênî bibe, hêvî dikim li Tirkiyeyê bibe wesîleya xweşî û başiyê. Em li bendê ne ku nava hefteyê pêk were. Hê tam ne diyar e. Em jî vê yekê dispêrên berdevkê Ak Partiyê. Hê tiştek ji me re nehatiye ragihandin.
