Hevserokê Giştî yê DEM Partiyê Tuncer Bakirhan diyar kir ku Rêberê Gelê Kurd Abdullah Ocalan dixwaze “maseya çareseriyê” ava bike û got, “Banga Birêz Ocalan banga guhertin û veguhertinê ye.
Rêxistina Partiya Wekhevî û Demokrasiyê ya Gelan (DEM Partî) ya Manîsayê li salona Lale ya Navenda Çandê ya Şaredariya Bajarê Mezin a Manîsayê kongreya xwe ya asayî pêk anî. Di kongreyê de rêveberên partiyan, nûnerên partiyên siyasî û rêxistinên civaka sivîl gelek kes amade bûn. Hevserokê Giştî yê DEM Partiyê Tuncer Bakirhan piştî hilbijartina meclisê û pêşandana sînevîzyonê axaftinê kir û diyar kir ku Rêberê Gelê Kurd Abdullah Ocalan ji bo avakirina “maseya çareseriyê” dixebite û wiha got: “27ê Sibatê encama pirsgirêka Kurd a ku ev 50 sal in bûye sedem ku aborî û enerjiya van xakan têk biçe ye. Birêz Ocalan ê ku piştî 50 salan rêxistina xwe damezrand, bang kir ku eger zemîna hiqûqî û siyasî bê avakirin divê çekan deynin. Em jî vê yekê pir hêja û watedar dibînin.”
‘Ji feqîr û bindestan dixwaze xwe bi rêxistin bikin’
Tuncer Bakirhan da zanîn ku banga Rêberê Gelê Kurd Abdullah Ocalan banga guhertin û veguhertinê ye û wiha axivî: “Birêz Ocalan ji dewletê û feraseta dewletê ya înkarê re dibêje ‘biguherin’ û ji kedkar, feqîr, bindestan re jî dibêje ‘xwe birêxistin bikin, tifaqê çêbikin, bi têkoşîneke hevpar mafê xwêdana xwe bi dest bixin. Birêz Ocalan dibêje, ‘Dema ku têkoşîn tê meşandin pêdivî bi ziman, şêwaz, pratîk, çalakî û di têkoşînê de heye.’ Birêz Ocalan banga guhertin û veguhertina li siyaseta Tirkiyeyê, dewlet, civaka demokratîk û her kesî kir. Ji ber ku ew bixwe vediguhere. Rêxistina ku 50 sal in têkoşîna çekdarî dimeşîne re dibêje ‘biguher-veguhere’. Ew amûra ku ev 50 sal in ji bo bidestxistina mafan dihat meşandin ji holê radike. Yanî darê terorê di destê dewletê de ye.”
‘Dixwaze tifaqa kurd û tirkan ava bike’
Tuncer Bakirhan, da zanîn ku bi demokratîkbûna Tirkiyeyê re wê her kes bi ser bikeve û wiha pêde çû: “Abdullah Ocalan dixwaze tifaqa Kurd û Tirkan ava bike. Bi salan e em dibêjin ‘Em bibin xizm, ne dijmin.’ Dijminatî bû sedem ku Tirkiye winda bike, dijminatî bû sedem ku Tirkiye têk bibe. Banga Birêz Ocalan banga xizmtiyê ye. Hêvîdar im ku ev bang ji aliyê dewlet, hikûmet û civaka demokratîk ve were bersivandin. Di banga Ocalan de ti şert û daxwaz tunebû. Wî bal kişand ser pêwîstiyên demokratîk ên ku ji bo pêkanîna banga dev ji çekan bê berdan. Duçerxe heye û divê bigihêje armanca xwe; em dibêjin ‘payderê bigerînin’ ji bo ku duçerxe biçe cihê xwe ye. Hin kes dibêjin ‘Ev şert e, em qebûl nakin’. Bira, armanca aştiyê bêyî gerandina parderê wê çawa duçerxebigihêje armanca xwe? Aştî jî duçerxe ye. Pêdiviyan li ser her kesî ferz dike û divê pêk were. Ev ne şert in, ne daxwaz in. Ma şertên demokrasiyê hene?
‘Girtina mirovan rê li pêşiya çareseriyê digire’
Tuncer Bakirhan, bal kişand ser girtina kalê 85 salî Zekî û wiha bi dawî kir: “Yên ku Apê Zekî yê 85 salî li Çewlîgê bigire û li Xarpetê bavêje hucreyê, ew pêvajoyê sabote û provoke dike. Em bang li Serokomar Erdogan dikin ku ji bo çareseriya vê pirsgirêkê û ji bo ku Tirkiye bigihêje aştiyê, wek serokê desteya îcrayê berpirsyariyê bigire ser milê xwe. Îro em li Manîsayê ne, li bajarê birêz Ozgur Ozel in. Ez dixwazim ji bajarê wî Manîsayê bang li Birêz Ozel bikim; ev komara 100 sal berê hatiye avakirin, baş e îtirazî komarê nakin . Weke partiya damezrîner a komarê ez we vedixwînim partîk, gotin û nexşerêyê.”
Piştî axaftina Bakirhan raporên xebat û aboriyê hatin xwendin û hilbijartin hat kirin. Ji bo hevserokatiya nû Evîn Gunsel û Kerem Taylan hatin hilbijartin. Piştî kongreyê Meclisa Jinê ya DEM Partiyê ya Manîsayê hate avakirin.
Çewlîg
