Hevserokê Giştî yê DEM Partiyê Tuncer Bakirhan li nexweşxaneyê serdana rojnameger Huseyîn Aykol kir. Tuncer Bakirhan li ber nexweşxaneyê tekildarî rewşa Huseyîn Aykol got ku ew hêvî dikin vegere nava me.
Rojnameger-nivîskar Huseyîn Aykol ku xwînrijiya ser mêjiyê wî û li Nexweşxaneya Perwerdehî û Lêkolînê ya Sîncanê xistin emeliyatê piştî 2 saattan li emeliyatê derxistin. Di emeliyatê de xwîna li ser mejî hate paqîjkirin û rewşa wî ya xeternek berdewam dike. Huseyîn Aykol ku girtin beşa lêneherîna lezgîn wê 2 rojan li wir bimîne. Komeleya Rojnamegeran a Dîcle û Firatê (DFG), Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan bi tevî Berdevka DEM Partî Ayşegul Dogan û Serokwekîlê Koma Meclise yê DEM Partiyê Sezaî Temelî li nexweşxaneyê serdana Huseyîn Aykol kirin, bi malbat û hevalên wî re hevdîtin kirin û ji bijîşkan agahî girtin.
Piştrê jî tekildarî rewşa Huseyîn Aykol li ber nexweşxaneyê daxuyanî dan. Tuncer Bakirhan di daxuyaniyê de axivî û diyar kir ku Huseyîn Aykol li gor agahiyên bijîşkan wê di nexweşxaneyê de bimîne û got: “Em nikarin niha tiştek bêjin. Hêvî dikin ku baş bibe. Em jî bi parlamenter û rêxistina xwe rewşê dişopînin. Di rojên pêş de hêvî dikin daxuyaniyeke şênber bidin. Em jî çapemeniyê re derbasbûyinê dixwazin. Mamoste Huseyîn bi salan kedekê mezin ji bo çapemeniyê da. Em di wê baweriyê de ne ku wê vê rewşe jî derbas bike û vegere nava me.”
