KESK, DÎSK, TTB, TMMOB û Komeleya Astiyê ya 10ê Cotmehê bernameya bîranîna 10ê Cotmehê aşkera kirin.
Sendîkaya Kedkarên Şoreşger (DÎSK), Konfedarasyona Sendîkayên Karkerên Cameweriyê (KESK), Odaya Mîmar û Muhendîsên Tirk (TMMOB), Yekitiya Bijîşkên Tirk (TTB) û Komeleya Aştiyê ya 10ê Cotmehê, bernameya salvegera 10emîn a komkujiya 10ê Cotmehê ya Garê ya Enqereyê bi daxuyaniyeke aşkera kir. Bernameya bîranînê li eywaneke navçeya Çankayayê hat aşkerakirin. Li eywana ku bernamê hat aşkerakirin pankarta li ser, “Me 10êmin salvera komkujiya 10ê Cotmehê ji bîr nêkir û ji bîr nakin” dinivisî daliqandin.
Di destpêke de Sekretera Giştî ya KESKê Sevgî Yilmaz axivî. Sevgî Yilmaz konkujî bi bîr xist û got: “Ji bo aştî pêk were û Tirkiye bibe welatekî demokratîk têkoşîna xwe bidomînin. Divê jin, ciwan û hemû kes xwedî li aştiyê derbikevin.”
‘Em wan ji bîr nakin!’
Nûnera Anatoliyaya Navîn a DÎSKê Bîrgul Kaya jî destnîşan kir ku ew ê têkoşîna xwe bidomînin û got ku ew behtir bi biryar in û windahiyên xwe ji bîr nakin.
Sekreterê Giştî yê TMMOBê Ozgur Topçu jî diyar kir ku tu berpirsyarên komkujiyê nehatin darizandin û ev tişt gotin: “Em jî tu car ji bîr nakin û nadin jibîrkirin. Heta aştî û azadî li vî welatî pêk were em ê têkoşîna xwe bidomin.”
Sekreterê Giştî ya TTBê Onder Okay jî bang li welatiyan kir ku tevlî bernameya bîranînê bibin.
Bernameya bîranîna Komkujiya 10ê Cotmehê
Ji Komeleya Aştiyê ya 10ê Cotmehê Can Ateş jî bernameya bîranînê aşkera kir. Bernameya bîranîna 10ê Cotmehê wiha ye: “Di 10ê Cotmehê seat 9an de girse wê li taxa Konur a navçeya Çankayayê werin li cem hev û li wir wê derbasî Gara ku cihê komkujiyê bû bibin. Li wir bernameya bîranînê wê bê lidarxistin. Di seat 10.30an de jî girse wê ji Garê ber bi Edliyeyê ve bimeşin. Di seat 18.30an de jî li avahiya Odeya Mihendîsên Makînayê panel wê be li darxistin. Di 12ê Cotmehê de jî di seat 11.30an de li Goristana Karşiyaka bernameya bîranînê were lidarxistin. ”
