Bi hezaran welatiyên kantona Firatê bi meşeke girseyî piştgirî dan HSDê û ji bo piştevaniya HSDê meşiyan.
Bi hezaran şêniyên kantona Firatê ji bo piştgiriya Hêzên Sûriya Demokratîk (HSD) bi dirûşma “HSD îradeya me ye” meşek organîze kir.
Meşê ji Qada Jina Azad dest pê kir. Girseyê di meşê de wêneyên Rêberê Gelê Kurd Abdullah Ocalan û alên HSDê hildan û dirûşmên “Berxwedan jiyan e”,”Bijî berxwedana HSDê”, “Bê Serok jiyan nabe” berz kirin.
Girse heta Qada Aştîyê meşiyan. Li wir hevserokê Rêveberiya Xweser a Kantona Firatê Ferhan Hec Îsa axivî û wiha got: “Em li vir in da ku piştgiriya xwe ji hêzên QSD`ê re nîşan bidin. QSD hebûn û nasnameya me ye, em ê her tim piştgiriya xwe bidin hêzên xwe, ji ber ku Qamişlo, Kobanê, Reqa, Hesekê û Dêrezorê hemû deverên QSD`ê ne. QSD cewherê nirxên mirovahiyê diparêze. Di şexsê şexsê şehîdên QSD`ê de em hemû şehîdên azadiyê bi bîr tînin.”
Ferhan Hec Îsa anî ziman ku HSD ji bo parastina Sûriyeyê li hemberî dijmin û desthiatdaran têkoşîneke xurt dide meşadin û got: “Lewma divê em jî bi hemû hêz û vîna xwe piştgiriya QSD`ê bikin û ji wan re bibin palpişt.”
Meş bi dirûşmên “Bijî berxwedana HSDê” û “Bê serok jiyan nabe” bi dawî bû.
