Komên girêdayî Hikûmeta Demkî ya Şamê li gnudê El Sayyadah ê Herêma Selemiya bi ser Hamayê ve tirbeya Şêx Ferece Ebu Hiyyeh ku ji bo Elewîtiyê cihek pîroz e, hilweşand. Piştî têkçûna rejîma Sûriyê heta niha di bin rayeya Hikûmeta Demkî ya Şamê de zordariya li ser kêm netew û olên li herêmê diçe zêde dibin.
Di bin serweriya Hikûmeta Demkî ya Şamê de zordariya li dijî cudahiyan hindî diçe zêde dibe. Li dijî gelan û kêmarên olî her roj zordarî pêk tên û ev yek rê li ber dijminiya li dijî cudahiyen vedike. Herê dawî komên girêdayî Hikûmeta Demkî li gnudê El Sayyadah ê Herêma Selemiya bi ser Hamayê ve tirbeya Şêx Ferece Ebu Hiyyeh ku ji bo Elewîtiyê cihek pîroz e, hilweşand.
Şahidên mijarê anîn ziman ku hêzên Şamê heta niha bi dehan îbadetxane û cihên pîroz ên Hiristiyan, Elewî, Durzî û kêmarên din en olî hilweşandine. Li gorî agahiyên şahidên bûyerê dayîn, komên Hikûmeta Şamê bi slogan, çêr û heqaretan li Elewiyan dikin, tirbe hilweşandine û her wiha heqaret li welatiyên Elewî yên gund jî kirin e.
Şahidên bûyerê agahî dan çapemeniya herêmê anîn ziman ku tu ferqa komên çekdar ên Hikûmeta Şamê ji DAIŞ û El Qaîdeyê tune ye û bi heman ferasetê tevdigerin û ji bilî baweriya xwe hemû bawermendên olên din wekî kesên kuştinê heq dikin, dibînin.
Ev demeke li dijî van êrîşan kêmarên olî û netewî yên wekî Durzî, Elewî, Hiristiyan, Kildanî, Asûrî, Kurd û hwd. banga astengkirina komkujiyên fîzîkî, çandî û olî li rayedarên nevneteweyî dikin.
