TJA û DEM Partî li Qada Bajêr a navçeya Peyasê ya Amedê civîna gel li dar xist. Di civînê de bal kişandin ser perspektîfa Rêberê Gelê Kurd Abdullah Ocalan û gotin: “Peywira pêvajoyê rêxistinbûyîn e.”
Ji bo ku banga Rêberê Gelê Kurd Abdullah Ocalan di nava gel de baş bê femkirin partiyên siyasî û saziyên civakî di nav xebatan de ne. Partiya Wekhevî û Demokrasiyê ya Gelan (DEM Partî) û Tevgera Jinen Azad (TJA) li Qada Bajêr a navçeya Peyasê ya Amedê hevdîtina gel pêk anî. Di hevdîtinê de Hevşaredarên Peyasê, endam û rêveberên DEM Partî û aktîvistên TJAyê û gelek saziyên sivîl beşdarî çalakiyê bûn.Girse berî civînê govend gerand.
Civîn ji bo cangoriyên Kurdistanê deqîqeyek rêzgirtinê dest pê kir.
Cîgirê Hevserokên DEM Partiyê Celal Anlayici di civînê de axivî û diyar kir ku ji bo banga Rêberê Gelê Kurd baş werê femkirin ew ê 250 civîn li dar bixin.
Paşê perspektîfa civînê ji aliyê aktivîsta TJAyê Arzû Karaman ve hat xwendin.
‘Peywira pêvajoyê rêxistinbûyîn e’
Arzû Karaman da zanîn ku Rêberê Gelê Kurd Abdullah Ocalan li ser rewşa cîhanê perspetîfek nû pêşkêş kir û wiha axivî: “Banga Abdullah Ocalan tevahiya cîhanê deng veda. PKK bibû hêviya gel. Aliyê gelê Kurd her carî bi awayekî zelal peyam û fikrên birêz Abdullah Ocalan aşkere kir. Divê gelê me jî zalal nêzî pêvajoyê bibe. Peywira pêvajoyê rêxistinbûyîn e. Divê herkes di nava rêxistinbûyînê de be. Jixwe birêz Abdullah Ocalan vê dît û got xwe bi rêxistin bikin. Divê em jî peywira xwe ya avakirinê pêk bînin. Mijara pêvajoyê ya sereke xweparastin e. Birêz Abdullah Ocalan her tim xweparastinê tînê ziman.”
Civîn bi pirs û bersivan dawî bû.
