Li gorî ku daneyên Meclisa ÎSÎGê ku ji çapemeniyê û medya dijital, kom kirine, di Adarê de 145 karker bûn qurbana karên patronan. Di 3 mehên ewil ên 2025an de 447 karker bûn qurban. Di 12 salên dawî de jî 2 hezar û 664 ciwan bûn qurbana karê patronan.
Li Tirkiyeyê dema mirov li dane û îstatîstîkan dinere, komkujiyeke veşarî heye. Hin kuştin hene dibin rojev, lê hin kuştin hene nabin rojev û hesap ji kujerên wan nayê pirsîn. Di 3 mehan de mirina 447 karkeran ên di qezaya kar de, nîşan dide ku komkujiyek veşarî heye. Di 12 salên dawî de jî 2 hezar û 664 karkerên ciwan ku temenê wan di navbera 15-25 salî de bûn qurbana karê patronan.
Her roj karker dibin qurbana kar. Her roj cenaze ji înşaet, fabrîqe û kargehên kar derdikevin. Piraniya wan ji ber tedbîr nayên stendin û şert û mercên ewlehiyê nayên girtin. Lê xwediyê kar ango patronê kar, li dijî vê yekê hesab nede. Rayedarên darazê jî hesap ji vê yekê napirsin. Ji ber vê yekê patron ewlehiya kar û karkeran nagirin û tedbîran nastînin. Dane û rapor nîşan didin ku karkerên di qezayên kar de jiyana xwe ji dest didin der barê mirina wan de lêpirsîn nayê kirin û hesap ji xwediyê kar nayê pirsîn. Li gorî raporên 3 mehan rewş wekî daneyên jêr in:
Adar
Di Adarê de 145 karker di karê înşaet, zevî, kargerî, atolye û fabrîqeyan de bûne qurbana kar. Li gorî daneyan 46 karkerên pîşesaziyê 38 karkerên înşatê, 33 karkerên xizmeta kar û 28 karker jî di karên ziviyan de jiyana xwe ji dest dan.
Sibat
Di meha Sibatê de jî herî kêm 121 karker bûn qurbana karê patronan. Di 2 mehên ewil ên 2025an de 299 karker bûn qurbana kar. Li gorî daneyan her mehê di navbera 145 û 165 karker dibin qurbana cînayetên kar.
Di sibatê de 55 karker di karên pîşesaziyê de, 34 karker di karê xizmetê de 19 karker di înşateê de û 13 karkar jî di karê çandiniyê û zeviyan de ji yanaxwe jidest dan.
Çile
Li gorî daneyan di meha Çile ya 2025an de herî kêm 177 karker bûn qurbana karê patronan. Di çile de 13 penaberên ku ji dervê welat hatibûn di cînayetên kar de jiyana xwe ji dest dan.
Di 12 salên dawî de
Di 12 salan de 2 hezar û 664 ciwan mirin. Li Tirkiyeyê herî zêde ciwan di karên înşaet û zeviyan de kar dikin. Li gorî daneyan di 10 salên dawî de 2 hezar û 664 karkerên ciwan bûne qurbana kar.
