Endamên Meclisa Ciwanan a DEM Partiyê û DBPê li gelek taxên Êlihê li dijî êrişên li ser Rojava çalakî li dar xistin.
Endamên Meclisa Ciwanan a Partiya Wekhevî Demokrasiyê ya Gelan (DEM Partî) û Partiya Herêmên Demokratîk (DBP) yên Êlihê li gelek taxên bajêr li dijî êrişên ku li Rojava diqewimin daketin kolanan û di navbera wan û polîsan de alozî derket e. Ciwanên ku daketin kolanan anîn ziman ku heta li ser rojavayê Kurdistanê û Bakur û Rojhilatê Sûriyeyê şer hebe dê li kolanan bin. Di heman demê de li aliyekî din jî gelek kes daketin nava esnafan û ji bo banga sibê ya li ser sînor daxwazî ji gel kirin ku xwedî li Rojava derbikevin.
Di çalakiyê de ciwanan dirûşmeyên “Bijî berxwedana Rojava”, “Rojava Rojhilat e Kurdistan yek welat e”, “Bijî berxwedana HSDê”, “HSD gel e gel li vir e”, “Ciwan ranezên li Rojava bibin xwedî” û “Bijî Serok Apo” hatin berzkirin.
