CPT ya Emerîkayê destnîşan kir ku artêşa Tirk di Tîrmehê de, 18 caran êrişî axa başûrê Kurdistanê kiriye.
Tîma Rêxistina Avakirina Aştiya Civakê ya Emerîkayê ya li Kurdistanê-Iraqê (CPT) ku karên leşkerî, siyasî û aborî yên Tirkiyeyê yên li Başûrê Kurdistanê dişopîne, bîlançoya dawî ya êriş û dagirkeriya dewleta Tirk a di meha Tîrmehê de li nav xaka Başûrê Kurdistanê pêkaniyî, belav kir.
CPTyê diyar kir ku li gel PKKê çekên xwe îmha kir jî êriş dewam dikin. Di daxuyaniya CPT de ya li ser malpera fermî ya saziyê hate weşandin, hate ragihandin ku di navbera 1-31’ê Tîrmehê de herî kêm 18 caran Tirkiyeyê bombebaran û êrişên hewayî pêk anî.
CPTê di daxuyaniyê de wiha got: “Hêzên Tirk 29’ê Tîrmehê operasyoneke nû ya bejahî da destpêkirin û karên xwe yên leşkerî dewam kir ku liv û tevgera sivîlan asteng dike û zerarê dide zeviyên çandiniyê.”
Li gorî daxuyaniyê 17 ji êrişan li bejahiya Amediyê ya li sînorê parêzgeha Dihokê, êrişeke bi droneyê jî li sînorê parêzgeha Silêmaniyeyê hate kirin.
CPT diyar kir ku 22yê Tîrmehê li Dargele Musa Beg ya li Amediyê, gel xwest li malên xwe vegere, lê ji aliyê leşkerên Tirk ên li herêmê ve hatin astengkirin.
Hêjayî gotinêye ku li gorî CPT, ji destpêka sala 2025an û vir ve artêşa Tirk hezar û 696 caran êrişên leşkerî li Herêma Kurdistanê kiriye ku di encama van êrişan de 9 sivîlan jiyana xwe ji dest dan.
