Heyeta dadgehê Hevseroka Giştî ya ESPê Hatice Deniz Aktaş û Berdevka Giştî ya SKMê Tanya Kara jî di navde 34 kes girtin û şandin girtîgehê.
Di operasyona li dijî endam û rêveberên Partiya Sosyalîst a Bindestan (ESP), Meclisa Jinan a Sosyalist (SKM) û Federasyona Komeleyên Ciwanên Sosyalist (SGDF) de polîsan 41 kes binçav kiribûn. Polîsan 41 kesên hatibûn binçavkirin sewqî dadgehê kirin. Dozger 3 kes serbest berdan û 38 kes jî bi daxwaza girtinê şandin dadgehê. Heyeta Dadgeha Ceza ya Sûlhê jî di der barê 34 kesan de bi îdîaya “Endamtiya rêxistinê” biryara girtinê da û şandin girtîgehê. Di der barê 4 kesan de jî biryara kontrola edlî da û serbest berdan.
Kesên hatin girtin navên wan wiha ne: “Hevseroka Giştî ya ESPê Hatice Deniz Aktaş, Berdevka Giştî ya SKMê Tanya Kara, Hevseroka SGDFê Berfin Polat, Endamê MYKê yê ESPê Okan Danaci û Ugur Ok, Endama Meclisa ESPê Ezgî Gurbuz, Hevseroka ESPê ya Sultangazî Gamze Toprak û Erol Tunç, Nûnerên ESPê yê Esenyurtê Cafer Erozsoy, Berdevka SKMê ya Bajarê Stenbolê Leyla Can, Endama Meclisa Giştî ya SKMê Dilara Su Kalpak, Endamên MYKê ya SGDFê Hivda Selen, Simay Ada Kart ve Adnan Ozcan, Berdevka Tevgera Karkerên Hevpar Meliha Kayaci û endamên wan Serpil Topal, Emrah Topaloglu, Senem Nur Pektaş, Bahadir Çagirgan, Îbrahim Akbay, Yoldaş Onur Mete, Berkan Balci, Rezan Akkoyun, Muslum Koyun, Endamê Meclisa Şaredariya Baglarê Muhammed Altunkaya, Zeynep Tekin, Ahmet Bilal Bay, Endamên Partiya Şoreşger Yakup Bulut, Azze Deniz Akşar, Bekir Efe Cesur, Sila Turan, Mazlum Ortaç, Dogan Înan û Nûçegîhana ETHAyê Zuleyha Muldur.”
