Malpera nûçeyan a Amerîkî Axîon di nûçeyek disepîne çavkaniyên ewlehiyê de diyar kir ku Serokê DYAyê Trump bi serokên partiyên Kurd Mesut Barzanî û Bafil Talebanî re bi rêya telefonê axiviye. Di nûçeyê de hate daxuyandin ku Trump li ser daxwaza Serokwezîrê Îsraîlê Netanyahû axiviye û rola Kurdan a di qonaxa nû ya şerê bi Îranê re de hatiye nirxandin.
Malpera nûçeyan a Amerîkî Axîos di nûçeyeke taybet de ragihand ku Serokê Dewletên Yekbûyî yên Amerîkayê Donald Trump di çarçoveya şerê berdewam yê li dijî Îranê de bi rêberên partiyên Kurd ên li Herêma Federe ya Kurdistanê re axivî. Li gorî nûçeya ku li ser sê çavkaniyên Amerîkî yên agahdar hatiye girtin, ev axaftin di demeke Washington û Tel Aviv stratejiya qonaxa din a şerê li dijî Îranê dinirxînin de pêk hatiye.
Axîos diyar dike ku Trump bi rêberên sereke yên du hêzên siyasî yên Kurdistanê, Mesûd Barzanî û Bafl Talebanî re axivî. Tê gotin ku ev têkilî demeke kurt piştî destpêkirina kampanyaya bombardîmanê ya Amerîka û Îsraîlê li dijî Îranê pêk hatiye.
Washington rola Kurdan di şerê heyî de dinirxîne
Li gor nûçeya Axîosê, yek ji sedemên sereke yên van têkiliyan ew e ku ku Kurdên li Iraq û Îranê hêsanîya stratejîk ji bo piştevaniyê çêdike û û da zanîn ku dikarin di pêşveçûnên şer de rolek girîng bilîzin. Çavkaniyên Amerîkî dibêjin ku Kurd bi hezaran şervan li herêmên sînorî hene û têkiliyên wan bi civaka Kurd a hundirê Îranê dikare bandor li rewşa navxweyî ya Tehranê bike.
Netanyahu rolê Kurdan berê jî pêşniyar kiribû
Di nûçeyê de hate destnîşankirin ku rayedarên Amerîkî rola Kurdan wekî hêzeke “ser erdê” ku dikare piştgirî bide êrişên esmanî dinirxîne. Axîos her weha diyar kir ku Serokwezîrê Îsraîlê Benjamin Netanyahû di civînekê li Qesra Spî de bi tundî daxwaz kiribû ku Kurd di planên li dijî Îranê de werin hesibandin. Li gor çavkaniyek Amerîkî, Netanyahû bawer dike ku di şertên guncan de dikare serhildanên navxweyî li dijî rejîma Îranê çêbibin. Tê gotin ku ev têkilî encama mehên dirêj ên lobi û axaftinên paşperde ye ku di navbera Washington û Tel Aviv de hatine meşandin.
Qesra Spî hûrgulî eşkere ne kirin
Dema ku ji berdevka Qesra Spî hate pirsîn, li ser hûrguliyên axaftinan şîrove nekir û tenê got ku Trump di rojên dawî de bi “gelek heval û şerîkên herêmê” re di têkiliyê de ye. Di nûçeyê de tê destnîşan kirin ku ev hewildanên Trump di demek mihalefeta Kurd a Îranê komîsyonek siyasî ava kirine û armanc dikin li dijî Tehranê hevahengiyê zêde bikin.
‘Divê ji ber Tirkiyeyê pirsgirêk derkevin’
Di nûçeyê de rewşa nû li Rojhilata Navîn derketî holê jî dinirxîne û cih dide şîroveyên pisporan. Li gorî nûçeyê pispor diyar dikin ku rola Kurdan di şerê heyî de dikare alozîyên nû biafirîne. Pispor bi bîr dixin ku Tirkiye hevalbendekî NATO û hevalê stratejîk ê Amerîkayê û bi hin hêzên Kurd re nakokiyên kûr hene. Pispor ji ber vê yekê destnîşan dikin ku rayedarên Amerîkî bi hişyariyeke mezin li ser asta beşdariya Kurdan diaxivin.
Şêwaza nû ya stratejiya Washingtonê
Çavdêrên siyasî dibêjin ku têkiliyên Trump bi rêberên Kurd re nîşana stratejiyeke firehtir a Washingtonê ye ku tê de aktorên herêmî di qonaxa şer û piştî şerê Îranê de rola bingehîn bilîzin. Li gor wan, Amerîka dixwaze di heman demê de hem zexta leşkerî hem jî şertên siyasî yên navxweyî li ser Tehranê zêde bike.
Bi giştî, nûçeya Axiosê nîşan dide ku şerê li dijî Îranê ne tenê li qada leşkerî dimeşe, lê di paşperdeya siyasî de jî hewlên nû yên avakirina hevpeymanî û guherandina hevsengiya hêzê ya herêmê didomin.
