Enqerê – Komîsyona Meclîse ku di çerçoveya pêvajoya Aştî û Civaka Demokratîk de hatibû avakirin, wê îro bi guhdarkirina Dayikên Aştiyê, Dayikên Şemiyê, ÎHD û wekfan, civîna xwe ya 5emîn li dar bixe.
Komîsyona Demokrasî, Xwişk-Biratî û Hevgirtina Mîllî ku di çerçoveya pêvajoya Aştî û Civaka Demokratîk de hatibû avakirin, wê îro li Meclîsê civîna xwe ya 5emîn li dar bixe. Di civîna 5emîn de Dayikên Aştiyê, Dayikên Şemiyê, Komeleya Mafê Mirovan (ÎHD), Wakfa Tahîr Elçî, Komeleya Hevgirtina Mazlûman (Mazlûm-Der) wê biaxivin. Dayikên Aştiyê, Dayikên Şemiyê û Komele wê di seat 12an de li meclîsê amade bin.
Civîn dê bi serokiya Numan Kurtulmuş di seat 14an de dest pê bike. Di rûniştina yekem a civînê de li ser navê Dayikên Şemiyê Besna Tosun, Maside Ocak Kişlakçi, û Îkbal Yarici wê biaxivin. Piştrê jî li ser navê Dayikên Aştiyê Nezahat Teke Turkiye Bozkurt, Rebia Kiran wê biaxivin. Di rûniştina 2emîn de jî Serokê Giştî yê ÎHDê Huseyîn Kuçukbalan, Endamê Lijneya Rêveberiyê yê ÎHD Vetna Aydin Yuksel, Serokê Şaxa ÎHDê ya Amedê Ercan Yilmaz, Serokê Giştî yê Mazlûm-Derê Kaya Kartal û Serokê Wakfa Tahîr Elçî Mahsun Bati, Cigirê Serokiya Wakfa Tahîr Elçî Erkan Şenses wê biaxivin. Herî dawî jî Wakfa Alikariya Mirovî Fehmî Bülent Yildirim û Vahdettin Kaygan wê biaxivin.
