Dayikên Şemiyê li Qada Galatasarayê di çalakiya 1043yemîn de, li kiryarên Hasan Ocak pirsîn. Dayikên Şemiyê-Mirovên Şemiyê di çalakiyê de nerazîbûn nîşanî operasyona li dijî Şaredariya Bajarê Mezin a Stenbolê dan.
Dayikên Şemiyê/Mirovên Şemiyê ji bo aqûbeta kesên di bin çavan de hatine windakirin û kuştin bipirsin û ji bo darizandina kujeran her hefteyê li Qada Galatasaray a Stenbolê kom dibin û çalakiyê li dar dixin. Vê hefteyê dîsa kom bûn û daxuyanî dan çapemeniyê. Parêzvanên mafên mirovan jî piştgirî dan çalakiya 1043yemîn û tev li çalakiyê bûn. Di çalakiyê de qurnefîl û wêneyên windayan, hildan û kujerê Hasan Ocak pirsîn. Hasan Ocak di 21ê Adara 1995an de li Stenbolê di bin çavan de hate windakirin û piştre cenazeyê wî li goristana bêkesan hate dîtin. Li ser navê komê Îkbal Eren daxuyanî da û nerazîbûn nîşanî operasyona li dijî Şaredariya Bajarê Mezin a Stenbolê da.
Îkbal Eren çîroka Hasan Ocak vegot û diyar kir ku ew ê Hasan Ocak ji bîr nekin. Îkbal Eren xwest kujer bên dîtin û darizandin.
Dayikên Şemiyê di dawiya çalakiyê de qurnefîl li qadê danîn û belav bûn.
