Rêber Abdullah Ocalan ne tenê rêberek yê vê serdemê ye. Ew, hemû daneheviya pêxember, feylezof, tevgerên komunalîst û hemû dîroka komuna ku li dijî dewletperestiyê di kesayetê de xwe dihewîne.
Di 9ê tîrmehê de piştî 26 salan dîmenê Rêberê Gelê Kurd Abdullah Ocalan bi peyamek dîrokî hat weşandin. Piştî ewqas demê dirêj, dîtina Rêber Abdullah Ocalan a bi vî rengî kelecaniyek û hestiyariyek mezin di nava gel de çêkir. Rêber Abdullah Ocalan bê guman 26 sal in di nava tecrîdek giran de tê girtin. Li gorî ku ew bixwe jî dibêje, cihek wekî Îmraliyê ne gengaze ku mirovek li vir bê ragirtin. Lê Rêber Abdullah Ocalan 26 salin li Îmraliyê li dijî hemû kiryarên neyînî têdikoşe.
Rêber Abdullah Ocalan ne tenê rêberek yê vê serdemê ye. Ew, hemû daneheviya pêxember, feylezof, tevgerên komunalîst û hemû dîroka komuna ku li dijî dewletperestiyê di kesayetê de xwe dihewîne. Ji ber vê taybetmendiya xwe Rêber Ocalan, 26 salin ji aliyê pergala kapîtalîst ve dîl tê girtin.
Tê zanîn di 1ê cotmeha 2024an de piştî serokê MHPê Devlet Bahçelî li Meclisa Tirkiyeyê silav da hevserokên Partiya DEMê. Bi vê re pêvajoya pirsgirêka Kurd careke din ket rojeva Kurdistan û Tirkiyeyê. Di nava van 9 mehan de 6 hevdîtin bi Rêber Abdullah Ocalan re hatin kirin. Her wiha bi gelek sazî û partiyên siyasî re jî hevdîtin hatin kirin. Li gel van hevdîtinan nemaze bi partî û saziyên kurdistanî re jî hevdîtin hatin kirin. Di encama van xebatan de Rêber Abdullah Ocalan di 27ê Sibatê de Banga Aşitî û Civaka Demokratîk kir.
Piştî banga Rêber Abdullah Ocalan dewleta tirk bi tu awayî tu gavên erênî ne avêtin û xwest careke din vê pêvajoyê jî li gorî xwe bide meşandin. Di 12ê Hezîranê de piştî ku Îsraîlê êrîşê Îranê kir, dewleta Tirk ket di nava liv û tevgerê de da ku mudexalê li wan neye kirin. Ji xwe Rêber Abdullah Ocalan ew rewş bi awayekî zelal parve kiribû û gotibû heke ev pirsgirêk neyê çareserkirin dê dewleta Tirk ji aliyê Emerîka û Îsraîlê ve bê mudexalekirin.
Piştî êrîşên 12ê hezîranê dewleta Tirk êdî zêdedir fêmkir ku piştî Îranê dê dora wan jî were û bi micîdî kar û xebat lez û beztir kirin. Piştî banga Rêber Abdullah Ocalan a 9ê Tîrmehê, du roj şûnde gerilayên azadiya Kurdistanê bersiv dan banga Rêber Abdullah Ocalan û li Silêmaniyê li şikefta Caseneyê bi seremoniyekê dîrokî çekên xwe şewitandin û banga siyasete demokratik û hiqûqa gerdûnî hat kirin.
Hem bi banga Rêber Abdullah Ocalan hem jî bi seremoniya gerîlayan êdî her tiştên ku bên pêkanîn, ji aliyê Tevgera Azadiya Kurdistanê ve hat kirin. Piştî vê demê dewleta Tirk di vê mijarê de çiqasî micîd e dê di demên pêş de bê dîtin. Nexwasim Rêber Abdullah Ocalan şanseke dawî dixwe destê dewleta tirk. Ew derfetê wan yê di salên 2013-2015an nîne. Pergala ku diparêzin jî êdî ber bi îflasê ve hatiye. Jixwe rayedarên vê pergalê jî bi awayekî vekirî gotin ku êdî serdema netew dewletan bi dawî bûye. Ji ber wê jî heke dewleta tirk neyê li ser çareseriya Rêber Abdullah Ocalan dê têkçûyînek mezin bijî.
Êdî dem hatiye ku demê çek û sîlehan hatiye girtin û her pirsgirêk bi rê û rêbazên siyaseta demokratîk bên çareser kirin. Di serdema ku hemû rêbazên şer diguherin de, pêwîstî pê heye ku rêbazên têkoşîna kurdistanî jî bên guhertin. Ev guhertin ne têkçûyîn, teslîmbûyîn an jî tasfiyebûyîn e, berevajiya wê destpêkek nû û rêbazên nû li gel û tevgerê dide ferzkirin. Ji ber ku Rêber Abdullah Ocalan jî ev rastî dît, banga guhertin û veguhertinên nû kir.
Gelê Kurd bi taybetî sed salin li çar perçeyên Kurdistanê bi kiryarên înkar, îmha û qetlîamê re rû bi rû man. Tevî hemû kiryaran jî gelê Kurd tu carî serî netewand. Encama ewqas kiryarên dij-mirovî û dij-civakî PKK bû. PKKê di dîroka Kurdistanê de serdema herî bi heybet û serkefti da jiyîn. Axa mirî ya li ser bedena gelê Kurd hatiye avêtin û bi gotina Rêber Ocalan hebûn hatiye naskirin û ji ber wê jî armanca sereke hatiye pêk anîn.
Bi fesihkirina PKKê li gort konjoktura demê têkoşîna siyaseta demokratîk bi rê û rêbazên dewlemend ferz e. Serdema nû xeta komara demokratik a her çar perçeyan ferz dike. Lewre bi PKKê armanca herî mezin hat pêkanîn û pêdîvî pê heye ku ewqas tecrube bi têkoşîna siyaseta demokratîk firehtir û mezintir bibe. Gelê Kurd di her aliyê têkoşînê de serwext û zana ye. Tişta ku Rêber Abdullah Ocalan û Tevgera Azadiya Kurdistanê bibêje fêm dike û tişta pêwîst bi cih tîne.
Bi modela komara demokratîk gelê Kurd li her çar perçeyan dê bibe xwedî îradeyek mezin. Komara demokratîk li dijî komara faşîst û tekperest pir rengî, pir çandî, pir bawerî, hiqûqa gerdûnî û siyaseta demokratîk ferz dike. Gelê Kurd bi vê yekê ne dewletek nû an jî rêveberiyên çandî yên demê wan derbas bûyî ava dike. Gelê Kurd bi modela Rêber Abdullah Ocalan a dewlet+demokrasiyê di nava her çar dewletan de dibe xwedî gotin û statuyên demokratîk.
