Amed – Li gundê Cilbeniyê yê girêdayî navçeya Pîranê ya Amedê di 16yê Hezîranê de şewat derketibû. Li gorî gotinên şêniyên herêmê şewat ji dîrekên ceyranê derketiye. Lê balkêş e peywirdarê DEDAŞê piştî şewatê çûne dîrek temîr kiriye.
Li xwezaya Kurdistanê ji ber îhmalkariya DEDAŞê û politikayên desthilatdariyê her car şewat derdikeve. Di şewatan de dar û daristanên Kurdistanê dişewitin û ajalên gundiyan dimirin. Gelek şêniyên gundan nikarin erdê xwe biçînin û dawiyê neçar dimînin koçî bajaran bikin. Di 16yê Hezîranê de li gundewarê Cilbeniyê yê girêdayî navçeya Pîranê ya Amedê şewat derket. Şeniyên gundên herêmê bi derfetên xwe mudaxeleyî agir kirin û şewat vemirandin.
Li heman herêmê di 28ê Tebaxa 2022yan de jî dîsa bi sebeba dîrekên ceyranê şewat derketibû û gelek dar û daristan zirar dîtibûn. Piştî şewata 2022yan gundiyan serî li dadgehê dabûn û doz vekiribûn. Dadgehê DEDAŞ mehkûmî tazmînatê kiribû. Piştî vê biryarê li heman herêmê 2 caran agir bi zeviyan ket û şewat derketibû. Lê DEDAŞê heta niha tu tedbir negirtiye. Di 16yê Hezîranê de li heman herêmê dîsa şewat derket.
Şêniyên herêmê diyar kirin ku berî deh rojan dîsa şewat derket. Lê gundiyan bi derfetên xwe vemirand. Gundî diyar dikin ku şewat ji ber sersariya nûnerên DEDAŞê derdikevin. Ji ber ku rayedarên DEDAŞê dîrekan kontrol nake û kêmasiyên wan temîr nake dibe sedem ku agir bi dîrek û têlan bikeve û li derdorê belav bibe. Piştî şewata 16yê Hezîranê hat dîtin ku nûenrên DEDAŞê dîrekên ceyranê temîr kiriye. Cihê ku şêniyên herêmê nîşan didin dixuyê ku şewat ji du dîrekên ceyranê derketiye û rayedarên DEDAŞê piştî bûyerê çûye ew her du dîrek tamîr kirine.
