DFGê, nûçegihanê rojnameya Ozgur Gundemê Nazim Babaoglû ku ji hêla hêzên tarî ve hate revandin û heta niha agahî ji nehatiye girtin bi daxuyaniyekê bi bîr anî û soza domandina têkoşîna wî da.
Nûçegihanê Rojnameya Ozgur Gundemê Nazim Babaoglû, di 12ê Adara sala 1994an de ji bo nûçeyekê çû navçeya Sêweregê ya Rihayê û ji wê rojê ve tu agahî jê nayên girtin. Komeleya Rojnamegeran a Dîcle Firatê (DFG), têkildarî salvegera windabûna Babaoglû, daxuyaniyeke nivîskî da. Di daxuyaniyê de hate bibîrxistin ku 32 sal in tu agahî ji Babaoglû nayên girtin û wiha hate got: “Babaoglû, di 12ê Adara 1994an de ji bo nûçeyê çû Rihayê û êdî qet vengerî. Ji bo rojnamegeriyê dest bi vê rêwîtiyê kiribû û di vê rêyê de hate windakirin. Em wî bi rêzdarî û bi hezkirin bi bîr tînin. Peyrewên Nazim, ev 32 sal in vê mîrateya wî li pey xwe hiştî didomînin. Yên ku aqûbeta wî diyar nakin û dosyeya wî vedihêlin divê baş bizanin ku em ê têkoşîna edalet û heqîqetê ya Nazim bidomînin.”
