Di êrişên duh bi şev û îro hatine kirin de baregehên Haşdî Şabî yên li parêzgehên Babîl, Nînova, Enbar, Kerkûkê yên Iraqê hatin bombebarankirin. Di encama êrişan de bi giştî 45 endamên hêzên Haşdî Şabî hatin kuştin û 23 endam jî kes jî birîndar bûn. Tê payîn ku dê hejmara mirî û birîndaran zêdetir be.
Şerê Îran û Amerîka-Îsraîlê ev bû 2 hefte ku berdewam dike û her diçe şer dijwartir û berefirehtir dibe. Tenê duh li parêzgehên Enbar, Nînova, Babîl û Kerkûkê bi gelek caran êrişî baregehên hêzên Haşdî Şabiyê hatin kirin û di encamê de kuştî û birîndar çêbûn. Êriş ji hêla kê hatine kirin nehat zanîn.
Li Lîwaya 19emîn a Haşdî Şabiyê 30 kes hatin kuştin
Duh li bajarokê Qaîme yê ser parêzgeha Enbar, Liwaya 19emîn ya Haşdî Şabî hate hedefgirtin. Di encamê de 30 endamên hêzên Haşdî Şabî hatin kuştin û birîndar çêbûn. Lê Amerîka û Îsraîlê heta niha wek fermî êrişê negirtin ser xwe. Ev baregeha Haşdî Şabî ku nêzîkî balafirgeha navneteweyî ya Qaîme ye û 400 km nêzîkî bakurêrojavayê Bexdayê ye piştî êrişê bi temamî ruxiya.
Duh carek din êrişî baregeha Haşdî Şabî ya li parêzgeha Babilê hate kirin. Li gorî dîmenên hatine belavkirin, teqînek mezin ru daye û dukêlek mezin li ser baregehê ketiye. Lê heta niha têkildarî zirar û ziyanên canî û madî tu agahî nehatine bidestxistin.
Li Nînova û Kerkukê 6 kes hatin kuştin 16 kes jî birîndar bûn
Duh êrişin bi ser baregeha Haşdî Şabî ya li parêzgeha Nînovayê re hate bombebarankirin. Di encamê de 2 endamên Haşdî Şabî hatin kuştin û 3 jî birîndar bûn. Her wiha direngiya şeva borî jî li taxa Bedir a ser bi parêzgeha Kerkûkê êrişî baregeha Haşdî Şabî (Tirkmen) hate kirin û di ecnamê de 4 çekdar hatin kuştin û 13 çekdar jî birîndar bûn.
Di êrişa nû de 9 kes hatin kuştin 10 kes jî birîndar bûn
Li gorî agahiyên nûçeya AFPê ku xwe dispêre çakaniyên ewlekariyê yên Iraqê îro baregeha tevgera Ensarullah Awfia ya Haşdî Şabî ya nêzîkî Îranê, hate bombebarankirin. Hat destnîşankirin ku di encama êrişê de 9 çekdarên tevgera Ensarullah Awfia ya girêdayî Haşdî Şabiyê hatin kuştin û 10 çekdar jî birîndar bûn.
Herwiha hat diyarkirin ku baregeha koma çekdaran bi temamî hatiye rûxandin û yekîneyên lezgîn yên ku ji bo xelaskirina çekdaran gihiştin li cihê buyerê jî bûn hedefa êrişan. Tê payîn ku hejmara mirî û birîndaran zêdetir be.
