Li herêma çandiniyê ya başûrê Etiyopyayê ji ber barana zêde lehî rabû û hezaz çêbû. Di encama karesatên rû dane 48 kes jiyana xwe ji dest dan û 95 kes jî winda bûn.
Li herêma Gamo ya başûrê Etiyopyayê, baraneke dijwar barî. Ji bar barana dijwar lehî rabû û hezaz çêbû. Li gorî agahiyên polîsên xwecihî, li 3 navçeyan herî kêm 48 kes jiyana xwe ji dest dan û 95 kes jî winda bûn. Di daxuyaniyê de hat diyarkirin ku ji bo peydakirina kesên winda xebateke berfirah hatiye destpêkirin.
Rêveberiya herêmê ragihand ku barana dijwar bi taybetî li cihên bilind zirareke mezin çêkiriye û ji ber lehî û hezazê gelek avahî hilweşiyane. Gamo ji ber taybetiya erdnîgariya xwe li çiyayî û axa nerm, wek heremeke ji bo karesatên xwezahî xetere tê dîtin.
Di rojên dawî de barana dijwar li seranserê Rojhilatê Efrîkayê li gelek welatan bû sedema karesatan. Li paytexta Kenya Nairobiyê hefteya derbasbûyî ji ber karesata lehiyê herî kêm 49 kesan jiyana xwe ji dest dan.
Pispor dibêjin ku bûyerên hewayê yên dijwar, ji ber guherîna avhewayê zêde dibin.
