Axevêrên Komxebata Egîtîm-Senê roja duyemîn li ser mijara perwerdehiya zimanê zikmakî, perwerdahiya demokratîk axivîn. Fîgen Aras Kaplan got: “Şoreşa Rojava rêya şoreşa ziman vekir û şoreşa ziman şanî me kir.”
Komxebata Şaxên Egîtîm-Senê yên Amedê ku bi serenavê “Di perwerdehiya bi zimanê zikmakî de ber bi çareseriyê ve: Derfetên Heyî, Astengî, Pêşniyazî” li Çand Amedê duh dest pê kir, di roja duyemîn didome. Di rûniştina pençem de Zimanzan Haydar Dilten, Yildirim Arslan û Fîgen Aras Kaplan axivîn.
Roja duyemîn Sekreterê Giştî ya Egitim-Senê Zulkûf Gûneş beşdarwanan li ser dimên silav kir. Zulkûf Gûneş diyar kir ku ji ber ku hepsê malê li wî hatiye dayîn nikarê tev li Komxebatê bibê lêborîna xwe xwest. Ewilî Zimanzan Haydar Dilten li ser mijara “Nêrineke rexneyî li ser cerebe û modelên cîhanê yên li ser perwerdeya bi zimanê zikmakî” axivî.
‘Em perwerdeya zimanê Kurdî dixwazin’
Haydar Diljên diyar kir ku mijara zimanê zikmakî ji bo gelan gelek giring e û wiha axivî: “Ev 50 sal e em wekî rêxistinê momesteyan vê meselê mıjûl dibin. 50 sal derbas bû cîhan hat guherandin lê vê mijarê de em pêş neketin. Ez hêvîdarim yê gav bên avetin. Perwerdeya zimanê Kurdî em dixwazin. Zorakên me ewilî zimanê dayikê hîn dibin lê dema ku diçin dibastanê dikevin di nav kirîzan de. Zimanê perwerdeyê neyê kar anîn ew ziman nîv ziman e”
Paşê Yildirim Arslan li ser mijara “weke modelek xweser, modela perwerdeya demokratîk” axivî.
‘Perwerde lêgerîna heqîqetê ye’
Yildirim Arslan da zanîn ku di perwerdeya demokratîk de modelên tê kar anîn divê bên guherandin û wiha axivî: “Ji bo peşerojê modelên nû gelek giring e. Pergela şaristaniya demokratîk xebat hişmendiya azadiya mejiyê ye. Perwerde lêgerîna heqîqetê ye. Bingeh nêzikbûna hişmendiyê ye.”
‘Rojava mînaka şoreşa jinê ye’
Di dawiya runiştina pençem de Fîgen Aras Kaplan li ser mijara “Nirxandinên li ser perwerdeya demokratîk ya bi azadiya jinê re axivî. Fîgen Aras diyar kir ku xebatên wekheviya jin û mer pêkneynê sernakevê û wiha axivî: “Di cîhanê de tevahî pirsgirêk bi newekhêviya jin û mer de pêk hat. Mînak îro jî desthilatdar qeyûm tayînî şaredaran dike û sereke êrişê vîn û xebata jinan dike. Jiyan bi destê jinan de hatiye avakirin lê îro tevahiya cîhanê jîn tên kuştin. Di tevahiya jiyanê de pêwist e şoreşa jinê pêk werê. Îro em li Rojava dibînin ku dema şoreşa jinê pêk werê jin azad dijî. Jin xwe xwe rêxistin dike û dikarê xwe biparêze. Dijî kuştina jinan “Jin Jiyan Azadî” jiyankirina jinan e.”
Rûniştina pençem sînevîzyone li ser şoreşa Rojava a li ser ziman hat temaşekirin û dawîbû.
