Der barê rojnamevan Ahmet Kanbal de bi hinceta di weşanên zindî yên 6ê Sibatê de “agahiyên şaş li raya giştî belav kiriye” doz hat vekirin.
Di çarçoveya lêpirsîna ku bi hinceta bernameyên weşana zindî ku di 6ê Sibata 2023yan de pêk hatibû ji Semsûrê beşdarî weşana zindî bûye derbarê nûçegihanê Ajansa Mezopotamyayê Ahmet Kanbal de îdianame hat amadekirin.
Di lêpirsîna ku Serdozgeriya Komarê ya Mêrdînê bi hinceta “propaganda rêxistina terorê kiriye” di sala 2023yan de bi îdiaya “agahiyên şaş li raya giştî belav kiriye” di çarçoveya xala 217/A ya Qanûna Ceza ya Tirk de ku weke “Qanûna Dezenformasyonê” tê naskirin, gilînameya sûc hat vekirin û biryar hat dayîn ku “cih ji dozgeriyê re nîn e.” Piştî giliyê sûcan ê serdozgeriyê, Serdozgeriya Komarê ya Semsûrê di çarçoveya xala 217/A ya Qanûna Ceza ya Tirk de lêpirsîn da destpêkirin. Di encama lêpirsînê de îdianameya der barê rojnameger Kanbal de bi heman îdîayê hat amadekirin ji aliyê Dadgeha Asliye ceza ya Semsûrê ve hat qebûlkirin.
Li gorî îdianameyê Kanbal di weşana ku di rojên destpêkê yên erdheja ji Semsûrê pêk hat de gotiye, “Ez li Navenda Koordînasyona Krîzê ya Semsûrê me. Dilxwaz dixebitin, ji duh ve xebateke têrker nîn e. Tîmên biyanî pêşî hatin, piştre AFAD hat vê derê. Mirov 3 rojan li vir terkî mirinan hatin kirin. Mekanîzmayên dewletê bi temamî hilweşiyane. Mirov terkî mirinan hatin kirin. Dema ku dilxwaz di enqazan de dixebitin, dilxwazên AFADê li ber enqazan wêneyan dikişîne. Eger herêm ji însafa dewletê re bê hiştin, wê karesat mezintir bibe.” Her wiha di îdianame de nûçeyên ku Kanbal ji herêmê parve kiriye jî “(…) Ev yek ji bo aştiya gel aciz dike guncav e û gumanbar bi niyeta ku di nav gel de fikar, tirs an jî panîkê çêbike tevgeriyaye.
