Washington û Tehran amadekariyan dikin ku roja înê li Stenbolê danûstandinên nûkleerî bikin.
Li gorî Axiosê ku agahiyên xwe dispêre çavkaniyên agahdar, çaverê ye Nûnerê Taybet ê Amerîkayê Steve Wittkopf û Wezîrê Karê Derve yê Îranê Ebas Eraqçî roja îna bê li Stenbolê bicivin, da ku derfetên gihandina lihevkirine nû ya nûkleerî nîqaş bikin.
2 çavkaniyên ku ji rêkeftinan agahdar in diyar kir ku ev hevdîtin ji şerê 12 rojan a Tîrmehê ve ya yekemîn e. çavkaniyekî din jî got lidarxistina vê civînê hîna ji senaryoyên herî guncaw e, lê hîna lidarxistina civînê nehatiye piştrastkirin.
Ev tevger di demekê de tê ku aloziya leşkerî ya Amerîkî li herêma Kendavê zêde dibe, ev yek hemwextî îdiaya Serokê Amerîkayê Donald Trump ku gihîştina rêkeftineke bilez tekane rêya dûrketina ji pevçûneke leşkerî bi Îranê re ye.
Li gorî malperê, gavên ji bo lidarxistina vê civînê piştî hewldanên dîplomatîk ên zêde ku di rojên dawî de ji hêla Tirkiye, Misr û Qeterê ve hatine kirin in. Wezîrên Karê Derve yên Tirkiye û Misrê îro bi Eraqçî re hevdîtinên din kirin da ku li ser rêbazên serkeftina civînê nîqaş bikin.
Di heman çarçoveyê de, ragihandina dewleta Îranê diyar kir ku Serokê Îranê Mesûd Pizîşkiyan fermanên ji bo ji nû ve destpêkirina danûstandinan bi rêveberiya Trump re daye, di heman demê de Eraqçî di nivîsekê de got welatê wî ji bo dîplomasiyê amade ye.
