DYA û Îsraîlê bi boneya ku li wir kar û barên leşkerî û îdarî tên meşandin Stadyûma Azadî ya Tehranê bombebaran kir. Hate ragihandin ku gelek kes di bombardimanê de jiyana xwe ji dest dan.
Şerê Îsraîl, DYA û Îranê bi bombardimanên nû berdewam dike. Qasî diçe çarçoveya cihên tên girtin jî berfireh dibe. DYA û Îsraîlê îro ligel bi dehan êrişên li ser binke û baregehên leşkerî, îstîxbarî û îdarî, Stadyûma Azadî ya Tehranê jî bombebaran kir. Li gorî agahiyan di encama lêdana balefirên şer de stadyûma xwedî kapasîteya 12 hezar kesî zirarek mezin dît û li hin beşên wê şewat derket. Her wiha çavkaniyên herêmî daxuyandin ku gelek windahiyên mirovî jî di bombardimanê de çêbûne.
‘Jêrzemîna stadyûmê ji bo şer dihat bikaranîn’
Hate ragihandin ku êriş bi boneya Îran stadyûmê ji bo sekv û îdareya leşkerî û îstîxbarî ya şer bikar tîne, hedef hatiye girtin. Li gorî çavkaniyên îstîxbarî rejîma Îranê ji bo xwe ji êrişên hewayî biparêze stadyûmê bikar tîne. Çavkaniyên îstîxbarî angaştin ku di bin stadyûmê de cihên xef hatine çêkirin û rejîm vira ji bo meşandina reş bikar tîne.
