Fermandarê Giştî yê HSDê Mazlûm Ebdî diyar kir ku ger êrîş zêde bibin û xeteriyek hebûnê li ser gelê Şêxmeqsûd û Eşrefiyê çêbibe HSD bêtevger namîne û got: “Ger xeteriya li ser gelê me zêde bibe emê bêdeng nemînin.”
Fermandarê Giştî yê Hêzên Sûriya Demokratîk (HSD) Mazlûm Ebdî têkildarî êrîşên çeteyên hikûmeta demkî û yên dewleta tirk li dijî taxên Şêxmeqsûd û Eşrefiyê ji ANHAyê re axivî.
Mazlûm Ebdî derbarê berxwedana Hêzên Ewlekariya Hundirîn ên Şêxmeqsûd û Eşrefiyê silav kir û wiha got: Berxwedana lehengên Hêzên Ewlekariya Hundirîn ên taxên Şêxmeqsûd û Eşrefiyê ye ên komên êrişkar bi hejmarek mezin û bi çekên giran êrişî taxan dikin, lê Hêzên Ewlekariya Hundirîn li kêlek piştgiriya ciwanên taxan bi çekên sivik parastina taxan dikin. Ev mezinbûna lehengiyê ya gelê me û biryadariya wê nîşan dide. Em sekna gelê xwe li kêlek zarokên xwe yên di Hêzên Ewlekariya Hundirîn de li dijî van êrişên bêrewa silav dikin. Wek HSDê em dibêjîn ger êrîş zêde bibin û xeteriyek hebûnê li ser gelê me yê li wir hebe, em ê bêdeng namînin.”
Ebdî di dewama axaftina xwe de bal kişand li ser ragihandina hikûmetê ku her du herêmeke leşkerî ye û berdewama êrîşên bêserûber ên ku şênî tirsandin, pêkanînên bi armanca koçberkirina ya bi hêza leşkerî ya şêniyên her du taxan ên kurd e. Ev kiryar dikeve sûcê şer.”
Ebdî anî ziman ku hewldana koçberkirinê ji hêla wan ve bi tu awayî nayê qebûlkirin û got: wê li hemberê van kiryaran bisekinin.
Fermandarê Giştî yê HSDê Mazlûm Ebdî diyar kir ku we ji destpêka êrişan heta niha bi derdûrên alakadar ra dixebatin ji bo vê şerê bidin rawestandina û wiha got: “Em ji destpêka êrîşan heta niha bi rêbazên xwe an jî bi pêşniyarên aramkirinê yên ku aliyên piştrastker li Sûriyeyê pêşkêş kirin, hewl dan. Lê heta niha nûnerên hikûmeta Sûriyeyê bersiva me nedane û tevahî hewldanên agirbestê bêyî tu mafî red dikin.”
Ebdî destnîşan kir ku “Bikaranîna zimanê hêza leşkerî ya ji hêla hikumeta Sûriyeyê ve nîşan dide ku wê Sûriyeyê vegere tundî û qetilkirin, wê tevahî zirarê bibînin. Bi vê yekê hemû peymanan bin pê dike peymana 10ê Adarê û 1ê Nîsanê ya di navbera Meclisa Giştî ya taxên Şêxmeqsûd û Eşrefiyê û nûnerên hikûmeta Sûriyeyê de hatiye îmzekirin e. Bi taybet xala 3 a peymana 1ê Nîsanê ku dibêje ˋWezareta Hundirîn û Hêzên Ewlekariya Hundirîn berpirsiyarên parastina şêniyên herdu taxan in. ‘Li kêlek wê jî ev êriş binpêkirina pîvan û qanûnên navneteweyî ku dibêjin sivîl ji şer werin dûrxistin.”
Fermandarê Giştî yê HSDê Mazlûm Ebdî di dawiyê de diyar kir ku diyalog û nêrînan bingeha çareseriya tevahî pirsgirêkên ye û got: “Em girîngiyê diden diyalogê, ji ber rêgeza danûstandinê ya çareserkirina pirsgirêkan ne.”
