Mazlûm Ebdî, Îlham Ehmed û Esed Şeybanî di çarçoveya Konferansa Ewlehiyê ya Munîhê de bi Wezîrê Derve yê Erebistana Siûdî Feysel Bin Ferhan Bin Abdullah re civiyan.
Fermandarê Giştî yê Hêzên Sûriya Demokratîk (HSD), Mazlûm Ebdî, Hevseroka Daîreya Têkiliyên Derve ya Rêveberiya Xweser Îlham Ehmed û Wezîrê Derve yê Hikûmeta Demkî ya Şamê Esed Şeybanî di çarçoveya Konferansa Ewlehiyê ya Munîhê ya 2026an de bi Wezîrê Derve yê Siûdî, Prens Feysel Bin Ferhan Bin Abdullah re civînek li dar xistin. Wezîrê Erebistana Siûdî diyar kir ku ew amade piştgiriya hemû xalên ku sûryeyiyan li ser li hev kirine, bike û piştgiriya xwe ji bo pêvajoya lihevhatina neteweyî û pêkanîna peymana 29ê çileyê anî ziman.
Fermandarê Giştî HSDê Mazlûm Ebdî spasiya xwe ji bo rola Siûdiyê ji bo piştgiriya Sûriyeyê û piştgiriya ji bo hewildanên rakirina cezayan û hêsankirina pêvajoya peymanê anî ziman.
