Girtiyê nexweş Mehmet Emîn Çam ê di lîsteya girtiyên nexweş a ÎHDê de ye, ji girtîgehê derket. Çam got: “Bila Kurd hemû bibin yek.”
Mehmet Emîn Çam ê ku di lîsteya girtiyên nexweş a Komeleya Mafên Mirovan (ÎHD) de û tevî du caran ji dilê xwe emeliyat bûbû jî hemû serlêdanên ji bo berdana wî dihatin redkirin, 2 roj berê sewqî ATKê hatibû kirin. Çam, îro hat berdan. Çam, danê êvarî ji Girtîgeha Tîpa T a Bişêriyê derket. Siyasetmedaran û malbata wî ew li ber girtîgehê pêşwazî kirin.
Çam ku piştî hat berdan axaftineke kurt kir û got: “Bila Kurd hemû bibin yek.”
Piştî axaftinê, Çam û malbata xwe ber bi mala xwe ya li Sêrtê bi rê ketin.
