Wezareta Karên Derve ya Elmanyayê welatiyên xwe hişyar kir ku ji ber ‘xerabûna ewlehiyê’ neçin Sûriyeyê.
Wezareta Karên Derve ya Elmanyayê welatiyên xwe hişyar kir ku neçin Sûriyeyê. Wezaretêdi raportekê de diyar kir ku Balyozxaneya Elmanyayê ya Şamê girtî ye û xizmetên balyozxaneyê ji welatiyên Elman re li Sûriyeyê pir kêmin û tenê di rewşên awarte de têne kirin.
Wezaretê diyar kir ku eger kesek neçar bibe ku biçe Sûriyeyê, ew pêşniyar dike ku planeke ewlekariyê ya baş û profesyonel were danîn û diyar kir ku ‘rewşa ewlekariyê ya giştî li Sûriyê ne aram e. Wezaretê hişyarî da ku reftarên karmendên ewlekariyê li Sûriyeyê nayên pêşbînîkirin û got: “Dibe ku kiryarên bê ser û ber ji aliyê wan ve werin kirin.” Wezaretê xwest bi şev qet negerin. Berî çend rojan Wezîra Karên Huindir a Elmanyayê Nancy Faeser, li gel hevtayê xwe yê Awusturyayê Gerhard Karther serdana Sûriyeyê kiribû. Li gor nûçeya Radyoya Wuppertal a Elmanyayê, şandeya hevbeş a Elman-Awusturyayê, di nava tedbîrên tund ên ewlehiyê de ji Qibrisê hatibû Şamê.
Di 24 saetan de 41 kes hatin kuştin
Navenda Çavdêriya Mafên Mirovan a Sûriyeyê (SOHR) ragihand ku li deverên cuda yên Sûriyeyê di 24 saetên dawîn de bi kêmanî 41 kes hatine kuştin.
