Ode û borsayên Bakurê Kurdistanê li Amedê daxuyanî dan û xwestin her kes ji bo aştiyê têbikoşe.
Partiya Karkerên Kurdistanê (PKK) di 12ê Gulanê de daxuyanî da û xwefesixkirina xwe ragihand. Piştî daxuyaniya PKKê li Kurdistan, Tirkiyê û gelek welatên cîhanê biryara PKKê erênî nirxandin. Odeya Bazirganî, Pîşesazi û borsayên Bakurê Kurdistanê li avahiya Odeya Bazirganî û Pîşesaziyê ya Amedê civînek çapameniyê li dar xist û piştgirî da pêvajoyê. Serokê DTSO Mehmet Kaya û gelek karsaz beşdarî daxuyaniyê bûn.
‘Em piştgiriyê didin pêvajoyê’
Serokê DTSO Mehmet Kaya diyar kir ev 40 sal in li welatê wan şer heye û got: “Me her dem gotibû em piştgiriyê didin pêvajoyê. Îro jî li vir dîsa dubarê dikin ku pêvajo gelek giring e. Ji ber ku şer heye li herêma me xizan e. Em bawar dikin ku piştî şer dê bazirganî û aboriya herêmê dê başdir bibe.”
‘Divê her kes ji bo aştiyê têkoşe’
Serokê Borsa û Bazirganiyê Engîn Yeşîl destnîşan kir ku ew hêvîdikin ku biryara PKKê ji bo welêt bibe sebeba xerê û wiha axivî: “Em ji hemû kesên bû sedema vê pêvajoyê re spas dikin. Em êşa her kesî ku kişandine his dikin. Divê her kes ji bo aştiyê têbikoşe. Divê her kes zimanê xwe bike zimanê aştiyê. Divê her kes hesabên xwe yê siyasî daynê aliyekî. Divê ji bo hesabên siyasî pêvajoya aştiyê xera nekin. Em dibêjin ku çi bikeve ser milê me em amade ne.
53 odeyên bazirganî û borsayê îmze avêtin bin daxuyaniyê.
